មុខក៏កាច គូទក៏ទយ មើលទៅគឺថាឆក់យកបេះដូងទែម្តង… ហើយនេះមិនមែនជា Aston Martin DBX ធម្មតាទេ វាត្រូវបាន Make Up ឡើងវិញដោយក្រុមហ៊ុនដែលមានឈ្មោះល្បីល្បាញដែលមានស្នាក់ការកណ្តាលនៅទីក្រុង Brand (អានថា ប្រាន់ដ៍) ដែលស្ថិតក្នុងប្រទេសអាល្លឺម៉ង់ (Germany)។
នេះគឺជាថយន្ត Aston Martin DBX - New WILD SUV 2022 from MANSORY
បងបង្អូនកុំទាន់ទៅណាមកដឹងពីតម្លៃរបស់ជាសិន ចឹងសម្រាប់តម្លៃដែលមិនទាន់បានកែប្រែគឺជាតម្លៃដើមរបស់រថយន្ត មានតម្លៃ 176,900 ដុល្លារ ហើយសម្រាប់តម្លៃដែលបានបន្ថែមដោយក្រុមហ៊ុន MANSORY ចន្លោះពី $100,000 ដល់ $300,000 ដុល្លារឬក៏លើសពីនេះ ឬច្រើនជាងនេះអាស្រ័យទៅលើការផ្លាស់ប្តូរនិងការរចនាបំពាក់បន្ថែមដែលអតិថិជនត្រូវការចឹងសម្រាប់ក្រុមហ៊ុន MANSORY គឺជាក្រុមហ៊ុនដែលមានឈ្មោះល្បីក្នុងវិស័យនៃការរចនានិងកែច្នៃរថយន្តប្រណិតដោយផ្តោតលើម៉ាកធំៗដូចជា Rolls-Royce, Aston Martin, Bentley, Ferrari,Lamborghini, Merecdes-Benz Bugatti និងមានម៉ាកធំៗជាច្រើនទៀត ក្រុមហ៊ុននេះផ្តល់សេវាកម្មក្នុងការរចនានិងកែច្នៃលក្ខណៈរថយន្ត ដើម្បីឲ្យរថយន្តដែលមានលក្ខណៈប្រណិត រូបរាងប្លែក និងបន្ថែមលក្ខណៈបច្ចេកវិទ្យាខ្ពស់ ដែលធ្វើឲ្យអតិថិជនទទួលបានបទពិសោធន៍ដ៏អស្ចារ្យក្នុងការប្រើប្រាស់រថយន្ត។
សម្រាប់ Aston Martin DBX New WILD SUV 2022 នេះ MANSORY បានធ្វើការកែប្រែម៉ាស៊ីនឬក៏ធូនរថយន្តនេះដើម្បីបង្កើនសមត្ថភាពម៉ាស៊ីនម៉ាស៊ីនអោយកាន់តែខ្លាំងអោយសាកសំជាមួយនិងរូបរាងតែម្តងវាមាន។
វាមានម៉ាស៊ីន: V8 Twin-Turbocharged 4.0 លីត្រ កម្លាំងដើមរបស់វាគឺ 550 (hp) ត្រូវបានកែប្រែឡើងដល់ 800 (hp) និងកម្លាំងបង្វិលដើមគឺ 700 ន្យូតង់ម៉ែត្រ (Nm) ត្រូវបានកែប្រែឡើង 1000 ន្យូតង់ម៉ែត្រ (Nm) ពី0-100km/h ចាយពេល 3,8វិនាទី ល្បឿនកំពូលគឺ 325 គម/ម៉ោង ការកែប្រែម៉ាស៊ីននេះធ្វើឲ្យ Aston Martin DBX របស់ MANSORY មានសមត្ថភាពនិងល្បឿនលឿនជាងម៉ូដែលដើម វាក៏បង្កើនសមត្ថភាពក្នុងការបើកបរបានយ៉ាងលឿននិងរហ័សរហួន។
MANSORY ត្រូវបានធ្វើការកែច្នៃរថយន្ត Aston Martin DBX 2022 ដើម្បីបន្ថែមនូវលក្ខណៈពិសេសទាំងខាងក្នុងនិងខាងក្រៅដូចជា។ ខាងក្រៅ: មានការរចនា logo ជារូបរាងដើមរបស់ Aston Martin ប៉ុន្តែត្រូវបានផ្លាស់ប្តូរទៅជាការពូនផ្លេកនិងប្តូតពីពាក្រ Aston Martin ទៅជាពាក្យ MANSORY ទាំង logo ខាងមុខ ខាងក្រោយ និង យ៉ានកង់ ដែលរំលេចនូវពណ៌ត្រួយចេកខ្ចី ការរចនាកាបូនផ្លេកដែលខុសពីម៉ូតទូទៅ: MANSORY បានប្រើកាបូនផ្លេកដើម្បីកែអោយមានរៀង Aerodynamic ជ្រែកខ្យល់បានល្អ។ វាត្រូវបានផ្លាស់ប្តូរបំពង់ស៊ីមាំងថ្មី ដែលផ្តល់សម្លេងដ៏ពិរោះនិងមានអត្ថប្រយោជន៍ក្នុងការប្រើប្រាស់សម្រាប់ស្លាបខ្យល់ដែលយើងតែងតែហៅថា (Spoilers) វាត្រូវបានបំពាក់រហូតដល់ទៅ២ ខាងលើមួយនិងខាងក្រោមមួយ ស្លាបខ្យល់នេះមានទាំងខាងមុខ ដោយខាងមុខមានអំពូល LED នៅអមសងខាងរន្ធខ្យល់តែម្តង និងខាងជម្ហៀង ដើម្បីធ្វើឲ្យរថយន្តមើលទៅកាន់តែកាចនិងទាក់ទាញ។
MANSORY បានបំពាក់ដោយយ៉ាន់អាលុយមីញ៉ូមស្ព័រ (Sporty Aluminum Wheels) ដែលមានទំហំ 24 inches តាំបួរធំ និងដុំហ្វាំងដែលមានឈ្មោះក្រុមហ៊ុន MANSORY តែម្តង កង់ទាំង4គ្រាប់នេះត្រូវបានរចនាឡើងជាពិសេស ដោយមានកម្រិតខ្ពស់នៃស្តាយ៍របស់វា និងគុណភាព ដើម្បីផ្តល់នូវស្ថិរភាព និងភាពទាក់ទាញសម្រាប់ការបើកបររបស់អ្នកប្រើប្រាស់ដែលបានជះលុយទៅលើវា។សម្រាប់ផ្នែកខាងក្នុងគឺមានភាពប្រណិតមែនទែនដោយប្រើប្រាស់នូវកៅអីស្បែក កៅអីទាំងអស់ត្រូវបានប្រើនូវស្បែកប្រណិតដែលមានគុណភាពខ្ពស់ ការឌឺស្សាញពណ៌ខាងក្នុងក៏មាន ពណ៌ខ្មៅលាយជាមួយនិងស្បែក ថ្នេរអំបៅ ដែលមានពណ៌ត្រួយចេកខ្ចី មើលទៅគឺប្រណិតនិងផាសុខភាពមែណទែន បើនិយាយពីទំនើបនិងប្រណិតវិញគឺ កប់តែម្តង ហើយប្រព័ន្ធសុវត្ថភាពក៏ច្រើនដែរ។
ចឹងសម្រាប់តម្លៃបងប្អូនអាចបូកបានថាតើបងប្អូនចង់បានតម្លៃប៉ុណ្ណា ចន្លោះពី 10000$ ទៅ 30000$ ឬក៏លើសពីនេះ?