តារាវិទូម្នាក់មកពីស្ថាប័ន្ធ NASA ឈ្នោះថា Sandberg បានធ្វើការព្រមានដល់អ្នកវិទ្យាសាស្រ្តដែលបានធ្វើការស្រាវជ្រាវបង្ហោះទីតាំងរបស់ភពផែនដីទៅកាន់លំហរអាកាសថា ការបន្តធ្វើបែបនេះវាអាចជា ការផ្តល់សញ្ញាមួយដល់ពួក Alien ឲ្យអាចតាមដានព័ត៌មានផ្សេងៗមកលើភពផែនដី។ ខណៈពេលនេះការបញ្ចូនព័ត៌មានពីភពផែនដីទៅកាន់អរិយធម៌ពួកគេនៅមានកម្រិតទាបនៅឡើយ នេះបើយោងតាមការចុះផ្សាយរបស់សារព័ត៌មាន The Telegraph។
អ្នកស្រី Sandberg បានបន្តប្រាប់សារព័ត៌មានដដែលថា ពេលនេះយើងអាចគ្រប់គ្រងកត្តាដែលបណ្តាលឲ្យយើងមានគ្រោះថ្នាក់នាថ្ងៃខាងមុខបាន ប៉ុន្តែបើនៅតែបណ្តោយបែបនេះទៀតស្ថានការណ៍និងកាន់តែយ៉ាប់ទៅៗហើយ ។ ព្រោះថាពិភព Alien គឺថាពិតជាមានមែនទែន មិនមែនជារឿងប្រឌិតតដែលមាននៅតែក្នុងកុននោះទេ។
ជាមួយគ្នានេះដែរ អ្នកវិទ្យាសាស្រ្តផ្សេងទៀតមកពីខាង NASA ក៏បានជ្រាវជ្រាវឃើញករណីដូចខាងលើដែរ គាត់បាននិយាយគាត់ធ្លាប់បានឃើញការចុះផ្សាយមួយថា Alien ធ្លាប់បានប្រើតេឡេស្កុបឆ្លុះមកភពផែនដីយើង នៅទីក្រុងកាលីហ្វញ៉ា ប៉ុន្តែគាត់មិនបានប្រាប់ថ្ងៃជាក់លាក់នោះទេ។ បន្ថែមពីនេះ លោក Stephen Hawking បានបន្តថា កាលណាពិភពលោកកាន់តែជឿនលឿន មនុស្សលោកអាចនិងប្រឈមមុខជាមួយអរិយធម៌ពួក Alien។
ជាចុងក្រោយតារាវិទូ Stephen Hawking បានផ្ញើសារទៅកាន់មនុស្សជាតិមុនពេលដែលលោកចែកឋានទៅថា « ពួកយើងមិនអាចធ្វើបានទេ បានត្រឹមតែអង្គុយមើលមនុស្សអស្ចារ្យណាម្នាក់អភិវឌ្ឍនូវអ្វីមួយដែលយើងមិនចង់ឲ្យរឿងនោះកើតឡើងប៉ុណ្ណោះ»។
គូសបញ្ចាក់ថា លោក Stephen Hawking គឺជាតារាវិទូមួយរូបដ៏ល្បីល្បាញ ព្រោះលោកបានស្រាវជ្រាវរកឃើញ Black Hole ( ប្រហោងខ្មៅ) ដែល Black Hole នេះគឺជាអាថ៌កំបាំងដ៏ធំមួយ នៅក្នុងចំណោមអាថ៌កំបាំងចម្បងៗ នៅក្នុងចំណេះដឹងរបស់យើងទៅលើចក្រវាល៕
