សារព៏ត៌មានដដែលបានចុះផ្សាយ ដោយស្រង់សម្ដីរបស់រដ្ឋមន្ត្រីក្រសួង ព័ត៌មាន និង ទូរគមនាគមន៍វៀតណាមលោក Nguyen Manh Hung ថា “(វិស័យទូរគមនាគមន៍វៀតណាម) នឹងស្ថិតក្នុងក្រុមកំពូលទៅលើការបញ្ចេញបច្ចេកវិទ្យា 5G និង អភិវឌ្ឍបច្ចេកវិទ្យា 6G សម្រាប់ពិភពលោក”។

រដ្ឋមន្ត្រីរូបនោះបន្តទៀតថា វៀតណាមនឹងចាប់ផ្ដើមស្រាវជ្រាវបច្ចេកវិទ្យា 6G នៅឆ្នាំនេះហើយ ស្របជាមួយនឹងការបញ្ចេញបច្ចេកវិទ្យាប្រព័ន្ធ 5G ឱ្យទូលំទូលាយនៅក្នុងស្រុក(វៀតណាម)។ បន្ថែមពីនោះ គណកម្មការលើផ្នែកស្រាវជ្រាវនិងអភិវឌ្ឍបច្ចេកវិទ្យា 5G នោះត្រូវបានបង្កើតរួចរាល់ហើយ។

បច្ចេកវិទ្យា 6G នេះអាចនឹងផ្ដល់នូវទំនើបកម្មថែមមួយកម្រិតទៀតទៅលើបច្ចេកវិទ្យា 5G ដែលកំពុងប្រើប្រាស់លើវិស័យផលិតកម្ម រោងចក្រ ទូរគមនាគមន៍ បច្ចេកវិទ្យា Internet of Things -ល- ហើយពេលនេះនៅវៀតណាមមានក្រុមហ៊ុនចំនួន ៣ ធំៗកំពុងផ្គត់ផ្គង់លើសេវាកម្ម 5G គឺ VNPT, MobiFone និង ក្រុមហ៊ុន Viettel។

ស្របពេលជាមួយគ្នានេះដែរ ប្រទេសថៃក៏កំពុងតែប្រើប្រាស់បច្ចេកវិទ្យា 5G យ៉ាងស្វិតស្វាញដើម្បីជម្រុញការផលិតក្នុងរោងចក្រសង្វាក់ផលិតកម្មរបស់ខ្លួនសម្បើមណាស់ដែរ នេះបើតាមការចុះផ្សាយពីសំណាក់សារព័ត៌មាន Bangkok Post។

Bangkok Post លើកឡើងថារោងចក្រមួយចំនួននៅថៃ ចាប់ផ្ដើមប្រើប្រាស់បច្ចេកវិទ្យា 5G ជាមួយនឹងបច្ចេកវិទ្យាបញ្ញាសិប្បនិម្មិត (AI) ក៏ដូចជា Cloud Computing ចេញជាដំណោះស្រាយបង្កើនល្បឿននិងផលិតភាពសង្វាក់ផលិតកម្មដូចជា ដោះស្រាយបញ្ហាត្រួតពិនិត្យគុណភាព (QC)កាត់ថ្លៃចំណាយ សុវត្ថិភាពទិន្នន័យខ្ពស់ -ល-។

អត្ថបទដោយ៖​ Sakada Techie