បុរសជំនួញជនជាតិកាណាដា ៣នាក់ និងអវកាសយានិកមកពី NASA ម្នាក់ត្រូវភ័យបះសក់ក្រោយពីចំណាយលុយម្នាក់៥៥ម៉ឺនដុល្លារ ដើម្បីធ្វើដំណើរកំសាន្តទៅលេងនៅ ស្ថានីយអាកាស ឬហៅជាភាសារអង់គ្លេសថា Intenational Space Station ប៉ុន្តែមុនពេលបានចូលទៅកាន់ស្ថានីយនោះ គឺពួកគាត់បានជាប់នៅក្រៅលំហជាង 45នាទី ដោយសារបញ្ហាបច្ចេកទេស តែមិនថ្វីនោះទេយ៉ាងណាក៏ក្រុមអ្នកជំនាញបានជួសជុលឲ្យពួកគាត់បានចូលទៅកាន់ទីនោះដោយសុវត្ថិភាព។
ជាមួយគ្នានេះដែរ ខាងក្រុមហ៊ុន SpaceX បានបញ្ជាក់ថា កញ្ចប់នៃដំណើរកំសាន្តនោះអាចឲ្យពួកគាត់ចំណាយពេល១០ថ្ងៃក្នុងការឈប់សម្រាករដូវក្តៅ ដើម្បីទស្សនាផ្ទាំងទស្សនីយភាពនានានៅឯលំហ។ នៅពេលដែលពួកគាត់ទៅដល់ស្ថានីយភ្លាមពួកគាត់បានទទួលការសា្វគមន៍យ៉ាងកក់ក្តៅ ពីសំណាក់ អ្នកធ្វើការនៅស្ថានីយអាកាសនោះផ្ទាល់ និងភ្នាក់ងារ NASA ដែលកំពុងតែបំពេញបេសកកម្មនៅទីនោះស្រាប់ បើនិយាយទៅសមាជិកសរុបនៅទីនោះមានចំនួន ១១នាក់។
យ៉ាងណាមិញ ពេលនេះក្រុមអ្នកធ្វើដំណើរកំសាន្តទៅលើមេឃបានត្រឡប់មកកាន់ភពផែនដីវិញដោយសុវត្ថិភាព ហើយ ពួកគាត់បានរៀបរាប់ថាពេលគាត់ទៅដល់ទីនោះគាត់បានឃើញនូវរូបភាពដ៏កម្រជាច្រើន ដូចជាភពខៀវ និងផ្កាយស្អាតៗជាច្រើន លើសពីនេះពួកគាត់បន្ថែមថា ក្រុមអ្នកធ្វើការនៅឯស្ថានីយអាកាសបាននិយាយលេងសើចជាមួយគាត់ថា ពួកគេមានគម្រោងធ្វើជាកសិដ្ឋាននៅលើអាកាសទៀតផង។ មែនទេនទៅ កសិដ្ឋានដែលគាត់និយាយនោះគឺការយកកោសិកាសាច់គោទៅផលិតចេញជាសាច់ផ្សេងៗសម្រាប់ អវកាសយានិកប៉ុណ្ណោះ។
គួរបញ្ជាក់ផងដែលថា បុរសជំនួញទាំងបីនាក់នេះគឺជាបុគ្គលដំបូងហើយដែលហ៊ានប្រើសេវាកម្ម ក្រុមហ៊ុនឯកជន SpaceX ហោះទៅដើរលេងនៅលើមេឃ៕
ប្រភព Giant freakin
អត្ថបទដោយ៖ អូន រ៉ាទី
