ប្រភពដដែលបានឲ្យដឹងថា Nasa និងបើកនូវឱកាសទីពីរឲ្យក្រុមហ៊ុនផ្សេងៗនៅក្នុងប្រទេសអាមេរិកទោះបីមិនមែនជាក្រុមហ៊ុនយក្ស Space-X ក៏ដោយក៏អាចចូលរួមនូវការប្រកួតប្រជែងនេះបានដែរ។ អ្នកដែលឈ្នះនូវកម្មវិធីប្រឡងមួយនេះអាចមានឪកាសហោះទៅភពព្រះចន្ទនៅចន្លោះឆ្នាំ​ 202៦-2027 បន្ទាប់ពីក្រុមហ៊ុន Space-X បានជម្រះផ្លូវឲ្យ។

ជាមួយគ្នានេះដែរ Nasa បានត្រៀមទឺកប្រាក់ចំនួន ២.៨៩​​ប៊ីលានដុល្លា នៅក្នុងកិច្ចសន្យាដើម្បីទុកសម្រាប់ឲ្យក្រុមហ៊ុនឯកជនដែលឈ្នះកាប្រឡងប្រជែង យកទៅធ្វើជាដើមទន់ក្នុងការផលិតរថយន្តទៅឋានព្រះចន្ទនេះ។ Nasa បានបន្តទៀតថា​ « ពួកយើង ក៏ដូចជាសភាផ្ទាល់បានគិតថា ការប្រឡងប្រជែងនេះវានិងមានលទ្ធផលល្អ សមស្របទៅនិងអ្វីដែលបេក្ខជនបានលះបង់» ។

យ៉ាងណាមិញ Nasa រំពឹងថាគម្រោងនេះនិងទទួលបានការគាំទ្រ ក៏ដូចជាការសហការណ៍ពីសំណាក់រដ្ឋាភិបាលនៅអាមេរិក និងលោក ប្រធានាធិបតី Joe Biden ផ្ទាល់។

គូសបញ្ជាក់ថា ក្រុមហ៊ុនយក្ស Space-X និងបង្ហោះ Rocket របស់ខ្លួនទៅកាន់ភពព្រះចន្ទនៅដើមឆ្នាំ ២០២៣ នេះ ហើយនិងបន្តដោយ Nasa និងហោះទៅតាមក្រោយនៅចន្លោះឆ្នាំ​ ២០២៦-២០២៧៕