ប្រភពដដែលបានឱ្យដឹងទៀតថា សម្រាប់ការផលិតបង្កើតគម្រោង Metaverse ខាង NASA គ្រោងនឹងធ្វើវាឱ្យដូចបេះបិទទៅនឹងភពអង្គារ ហើយតាមរយៈពិភពសិប្បនិម្មិតភពអង្គារនេះ គេនឹងធ្វើការបង្វិកអវកាសយាន្ដនឹង ឱ្យបានយល់​ ក៏ដូចជាស៊ាំទៅនឹងបរិយាកាស ជាក់ស្ដែងនៅភពអង្គារ ដោយគ្រាន់តែពាក់វែនតា VR អង្គុយរៀននៅឯភពផែនដី។ ដោយគោលដៅធំបំផុតគឺគេនឹងយកគម្រោង Metaverse ភពអង្គារនេះ មកបង្វិកដើម្បីបង្កើតធនធានមនុស្ស មុននឹងបញ្ជូនពួកគេឱ្យឡើងទៅសិក្សាស្រាវជ្រាវនៅភពអង្គារក្នុងពេលអនាគត។ 

ជាមួយគ្នានេះដែរ ក្រៅពីការបង្វិកក្រុមអវកាសយានិក NASA ក៏បានធ្វើការ ភ្ជាប់គម្រោងពិភពសិប្បនិម្មិត Metaverse របស់ខ្លួនជាមួយនឹងឧបរកណ៍ប្រើប្រាស់ និងឧបករណ៍ទំនាក់ទំនងជាច្រើនដែលគេធ្លាប់បានបញ្ជូនឱ្យទៅដំណើរការប្រើប្រាស់នៅលើភពអង្គារ ហើយតាមរយៈការភ្ជាប់គ្នានេះ គេក៏អាចពាក់ VR មើលដឹងពីបរិយាកាសជាក់ស្ដែង ថ្ងៃយប់ និងអាចធ្វើនូវសកម្មភាពផ្សេងៗទៀតជាច្រើនដោយបញ្ជាពីផែនដីទៅ។

ជាមួយគ្នានេះដែរ ដើម្បីឱ្យអ្នកមានសមត្ថភាពផ្នែកបច្ចេកវិទ្យាជុំវិញពិភពលោកបានរួមចំណែក និងបច្ចេញសមត្ថភាពរបស់ខ្លួន NASA និង Epic Game ក៏បានប្រកាសបើកឱ្យអ្នកអភិវឌ្ឍកម្មវិធី (Developer) ជុំវិញពិភពលោកទាំងអស់ ឱ្យធ្វើការដាក់ពាក្យបង្កើត ពិភពសុប្បន្មិត Metaverse ធ្វើពីភពអង្គារ ដើម្បីយកមកចូលរួមប្រគួតបាន។ ហើយសម្រាប់នរណាដែរធ្វើការបង្កើត Metavere ដែលមានស្ថានភាព និងបរិយាកាស ដូចទៅនឹងភពអង្គារខ្លាំងជាងគេ នឹងក្លាយជាម្ចាស់ជ័យលាភី ដែលទទួលបានរង្វាន់លើកទឹកចិត្ត ៧០០០០ដុល្លារ។

គួរជម្រាបថា ប្រសិនបើគម្រោងពិភព Metaverse​ របស់ភពអង្គារនេះជោគជ័យ NASA នឹងយកគំរូនេះ បង្កើតពិភពសិប្បនិម្មិត ឋានព្រះចន្ទ មួយទៀត ឱ្យក្រុមអវកាសយានិក សិក្សាមុនពេលដែលបញ្ចូនមនុស្សឡើងទៅសិក្សានៅទីនោះ៕ 

អត្ថបទដោយ៖ អូន​ រ៉ាទី