ដើម្បីដោះស្រាយបញ្ហាការក្លែងបន្លំឯកសារ ឬការយល់ច្រឡំផ្សេងៗ ក្រសួងប្រៃសណីយ៍ និងទូរគមនាគមន៍ បានបង្កើតផ្លែតហ្វមមួយឈ្មោះថា Verify.gov.kh ដែលអាចអនុញ្ញាឱ្យប្រជាជនខ្មែរ អាចធ្វើការផ្ទៀងផ្ទាត់ឯកសារដែលបានចេញដោយក្រសួង ក៏ដូចជាស្ថាប័នរដ្ឋាភិបាលទាំងអស់ ដែលមានដាក់ ឃ្យូ.អ.កូដ ស្តង់ដា។
បើតាមគេហទំព័រ Verify.gov.kh សម្រាប់ផ្លែតហ្វមមួយនេះ ត្រូវបានបញ្ចូលបច្ចេកវិទ្យាប្លុកឆេន (Blockchain) ដោយសារតែបច្ចេកវិទ្យាប្លុកឆេន យើងអាចកាត់បន្ថយឧបសគ្គបានយ៉ាងច្រើនចំពោះការបោះពុម្ពឯកសារដែលត្រូវបានការពារ នៅក្នុងទម្រង់ដែលមានសុវត្ថិភាពខ្ពស់ ដោយផ្អែកលើគោលការណ៍ SSP (Security, Scallability, Performance) ។
គួរជម្រាបផងដែរថា បច្ចុប្បន្ន ថ្នាល verify.gov.kh មានមុខងារផ្ទៀងផ្ទាត់ភាពត្រឹមត្រូវនៃឯកសារ តាមរយៈ ឃ្យូ.អ.កូដ ស្តង់ដា។ ប្រសិនបើ ឃ្យូ.អ.កូដ ត្រឹមត្រូវ (មិនត្រូវបានកែសម្រួល) ថ្នាល verify.gov.kh នឹងបង្ហាញឯកសារដើម ដើម្បីឱ្យអ្នកប្រើប្រាស់ផ្ទៀងផ្ទាត់ភាពត្រឹមត្រូវរវាងឯកសារដើមនិងឯកសារដែលបានបង្ហោះដោយផ្ទាល់៕
ចុចទីនេះដើម្បីចូលទៅប្រើ៖ ចុចទីនេះ
