មែនទែនទៅមុខងារ Profile image frame នេះត្រូវបានដាក់ឱ្យប្រើប្រាស់តាំងពីឆ្នាំ2015មកម្លេះ ហើយបើតាមការចុះផ្សាយរបស់ Meta ផ្ទាល់កាលពីថ្ងៃទី18ខែកុម្ភៈកន្លងទៅថ្មីៗនេះបានបញ្ជាក់ថាសម្រាប់គណនីទូទៅនឹងលែងអនុញ្ញាតឱ្យទាញយកឬបង្កើតស៊ុមផ្សេងៗទៅប្រើប្រាស់ទៀតហើយ។

ទន្ទឹមនឹងនោះផងដែរ Profile ដែលអាចដាក់ឬបង្កើតបានមានតែ Profile ដែលមានការទទួលស្គាល់ត្រឹមត្រូវឬក៏ចេញពីអង្គការណាមួយដូចជា អង្គការសុខភាពពិភពលោក អង្គការយូនីសេហ្វ ទីភ្នាក់ងាររដ្ឋាភិបាលជាតិ និងក្រសួងសុខាភិបាលជាដើម។

គូសបញ្ជាក់ផងដែរថា សម្រាប់ផេកក៏ដូចជាគណនីមួយចំនួនដែលMeta មិនបានរាប់បញ្ចូល ហើយកំពុងតែដាក់ Frame នៅលើ Profile នោះ Meta នឹងធ្វើការលុបចោលទាំងអស់ នៅថ្ងៃទី21ខែមីនាខាងមុខនេះដោយមិនអាចធ្វើការបង្កើតបានទៀតទេ ប៉ុន្តែអ្នកអាចចូលទៅទាញយកស៊ុមចាស់ៗមកទុកបាននៅក្នុង Frame Studio ។

អត្ថបទដោយ៖ រិន មករា