ដូចដែលអ្នកទាំងអស់គ្នាបានដឹងហើយថា Samsung កន្លងមកគឺតែងតែចេញវីដេអូពាណិជ្ជកម្មផ្លែកផ្កាទៅឲ្យ Apple យូរមកហើយ តាំងពីជំនាន់ iPhone ក្បាលឆក ឬក៏ Apple មិនទាន់អាចផលិត ទូរស័ព្ទអេក្រង់បត់បានជាដើម និងនៅមានច្រើនទៀត ហើយមិនមែនមានតែ Samsung ទេ សូម្បីតែ Google ក៏បាញ់ Apple ដែរ ដែលនេះវាអាចជាធ្វើទីផ្សារមួយដែរ ដោយប្រៀបធៀបជាមួយយីហោ Smartphone កំពូលៗ

ប៉ុន្តែថ្មីៗនេះ OnePlus ដែលទើបតែបញ្ចេញ Software Update ថ្មីគេហៅថា OxygenOS 15 ហើយនៅក្នុងវីដេអូ Event មួយរបស់ OnePlus គឺមានខ្លីបមួយដែលបង្ហាញពីការប្រៀបជាមួយ Samsung Galaxy S24 Ultra ដែលប្រើប្រាស់ជាមួយនឹង OneUI 6.1 

ចំពោះការតេស្តហ្នឹងគឺគេតេស្តទៅលើការអូសកម្មវិធីចុះឡើងៗ ដែលការអូសនៅលើ OnePlus ដែលប្រើប្រាស់ OxygenOS 15 គឺមានភាព Smooth មែនទែនរអិលតែម្តង ប៉ន្តែពេលអូសនៅលើកម្មវិធីនៅលើ S24 Ultra មើលទៅដូចជាអត់ស្មូត អត់រអិលទេ នៅរាងរអាក់រអួល។

សម្រាប់ OxygenOS 15 លើកនេះគេក៏បានបញ្ជាក់ដែរថាគេផ្តោទៅលើល្បឿន ក៏ដូចជា Animation ឲ្យកាន់តែល្អជាងមុន ព្រោះគេក៏បានប្រៀបធៀបជាមួយនឹង OxygenOS 14 ជំនាន់មុនដែរ។ 

ហើយសម្រាប់អ្នកដែលកំពុងតែប្រើសាមសុងប្រាកដជាកំពុងទន្ទឹងរង់ចាំ OneUI 7 ហើយ ព្រោះថា Android 15 គេចេញប្រើអស់ ហើយបើតាមព័ត៌មានបែកធ្លាយ OneUI 7 គឺអាចនឹងចេញនៅចុងឆ្នាំនេះឬក៏ដើមឆ្នាំ 2025 អាចថា ចាំ Galaxy S25 Series ក៏បានដែរ ហើយម្តងហ្នឹងគេក៏ផ្តោតទៅលើ Animation ឬក៏ Visual ។

អត្ថបទដោយ៖ រិន មករា