https://tech-cambodia.com/cms/assets/f7465c27-73f2-4763-95af-76675c3701d7
២០២៣ហើយ តោះមកដឹង៥វិធីរកលុយពី Facebook ចំណូលពាន់$ មិនបាច់លក់អនឡាញ
Navasiri Morm
JANUARY 2 2023
គន្លឹះល្អៗ
16.8 K views
2 mins read

Facebook គឺជាកម្មវិធីដែលមានការពេញនិយមប្រើប្រាស់បំផុតនៅក្នុងប្រទេសកម្ពុជារបស់យើង។ ហើយជាទូទៅយើងច្រើនតែឃើញប្រជាជនខ្មែរយើងប្រើប្រាស់ Facebook ដើម្បីទំនាក់ទំនង កំសាន្ដ ផ្សារពាណិជ្ជកម្ម និងមានខ្លះប្រើ Facebook ដើម្បីរកប្រាក់ចំណូល។
ហើយថ្ងៃនេះផងដែរ Technology Cambodia នឹងនាំមិត្តអ្នកអាន ទៅលើពី៥ វិធីក្នុងការរកប្រាក់ចំណូលពី Facebook ចំណូលខ្ទង់ពាន់ដុល្លារ ក្រៅពីការលក់អនឡាញ។ ដោយវិធីទាំង៥នោះមានដូចខាងក្រោម៖
១. Live Streaming៖ ដោយមុខងារមួយនេះគឺអំណោយផលបំផុតសម្រាប់អ្នកដែលចូលចិត្តលេងហ្គេម។ ដោយនៅក្នុងអំឡុងពេលយើងឡាយ (Live) Facebook នឹងបញ្ចេញពាណិជ្ជកម្មទៅលើវីដេអូររបស់យើងអំឡុងពេលឡាយ។ ដែលមុខងាយនេះមានឈ្មោះថា In-Stream Ads ដែលជួយឱ្យយើងរកចំណូលបានខ្ទង់ពាន់ដុល្លារផងដែរ។

២. Facebook Ad-Break៖ ការរកចំណូលតាម​ Facebook Ad-break គឺមិនខុសអីពីការរកលុយតាម​ YouTube នោះទេ ពោលគឺអ្នកទាំងអស់គ្នាត្រូវព្យាយាមផលិតវីដេអូ ហើយយើងអាចរកចំណូលពីពាណិជ្ជកម្មដែលបង្ហាញលើវីដេអូរបស់យើង។ បន្ថែមពីនេះទៀត​ វីដេអូដែលបងប្អូនបានផលិតនោះ ក៏អាច Upload ចូល YouTube ដើម្បីរកចំណូលឱ្យបាន២ច្រកផងដែរ។

៣.កាន់ Page ៖ បច្ចុប្បន្ននេះ មានក្រុមហ៊ុនច្រើនណាស់ ដែលត្រូវការអ្នកកាន់ផេកឱ្យ ដើម្បីធ្វើការផ្សព្វផ្សាយពាណិជ្ជកម្មផ្សេងៗ។ ហើយការងារកាន់ផេកនេះ ពុំចាំបាច់អ្នក នៅអង្គុយអូហ្វីសដូចគេឡើយ ពោលគឺឱ្យតែមានកុំព្យូទ័រនិង អ៊ឺនធឺណិតសម្រាប់ធ្វើការប៉ុណ្ណោះ។ ប៉ុន្ដែវាតម្រូវឱ្យយើងចេះទីផ្សារឌីជីថល ពោលគឺចេះផ្សព្វផ្សាយលើបណ្ដាញសង្គមឱ្យមានប្រសិទ្ធិភាព។

.Fan subscription៖ ដើម្បីអាចរកលុយពីមុខងារនេះបាន រឿងដំបូងយើងត្រូវធ្វើរឿងអ្វីមួយឱ្យមានអ្នកតាមដានយើងសិន។ បន្ទាប់មកយើងអាចបង្កើតការផ្ដល់ឱ្យពិសេសណាមួយដល់ Fan ហើយបើកឱ្យ Fanយើងចុះឈ្មោះចូលរួចជាសមាជិកដើម្បីទទួលបានអ្វីមួយពីយើង ឧទាហរណ៍យើងផ្ដល់នូវមេរៀនធ្វើអ្វីមួយអញ្ចឹងទៅ។ ហើយ Fan Subscription នេះទៀតសោត អ្នកគាំទ្រត្រូវបង់ប្រចាំខែ។

៥.ធ្វើជាអ្នកផលិតវីដេអូ (Content Creator)៖ ត្រង់ចំណុចនេះ គឺស្រដៀងនឹងចំណុចទី៤ដែរ ប៉ុន្ដែអ្វីដែលខុសគ្នានោះ គឺយើងផលិតវីដេអូដូចគ្នា ប៉ុន្ដែយើងមិនពឹងដង្ហើម Ad-Break របស់ Facebook នោះឡើយ ពោលគឺយើងរកចំណូលតាមរយៈការទទួលផ្សាយពាណិជ្ជកម្មឱ្យក្រុមហ៊ុន ឬអាជីវកម្មផ្សេងៗ នៅលើវីដេអូរបស់យើង។ យ៉ាងណាក៏ដោយ​ មិនថារកលុយតាមរយៈ Ad-Break ឬការទទួលផ្សាយពាណិជ្ជកម្មទេ សំខាន់អ្នកត្រូវចេះផលិតវីដេអូដែលទាក់ទាញនិងមានអ្នកទស្សនា និងអ្នកតាមដានឱ្យបានជាមុនសិន។ នៅពេលដែល Facebook របស់អ្នកមានអ្នកតាមដានច្រើន លុយនឹងរត់មករកយើងដោយខ្លួនឯង។

អត្ថបទដោយ៖ ម៉ម ណាវ៉ាសិរិ (FB: Navasiri Morm; Telegram 0966034563)

 

អត្ថបទដោយ៖ ម៉ម ណាវ៉ាសិរិ (FB: Navasiri Morm; Telegram 0966034563)

Technology Cambodia
ដើម្បីកម្ពុជាកាន់តែទំនើបជាងមុន
ស្វែងយល់អំពីពួកយើង
ទំនាក់ទំនង​មក​ពួក​យើង
  • Address: Building 422 St. 271, Phum 1,
    Stung Mean Chey Khan MeanChey, Phnom Penh
  • Email: [email protected]
  • +855 (0) 69 720 727 | +855 (0) 89 525 180
© 2022 Baksey Media. All Rights Reserved.
Developed by: Neak Panhboth