នៅក្នុងពិធីអបអរសាទរទិវាគយអន្តរជាតិ ឆ្នាំ២០២៤ ដែលប្រព្រឹត្តិឡើងនៅថ្ងៃទី២៦ ខែមករា ឆ្នាំ២០២៤ នេះ ក្រុមហ៊ុន Huawei Technologies (Cambodia) CO., LTD, ដែលជាក្រុមហ៊ុនបច្ចេកវិទ្យា ចាស់វស្សាមួយក្នុងប្រទេសកម្ពុជា បានទទួល “វិញ្ញាបនបត្រប្រតិបត្តិករសេដ្ឋកិច្ច ទទួលបានការអនុញ្ញាត (AEO)” ពីអគ្គនាយកដ្ឋានគយ និងរដ្ឋករកម្ពុជា ក្រោយវត្តមានដ៏ខ្ពង់ខ្ពស់របស់ឯកឧត្ដមបណ្ឌិតគុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា។
ពិធីអបអរសាទរទិវាគយអន្តរជាតិ ឆ្នាំ២០២៤ នេះដែរ ធ្វើឡើងក្រោមប្រធានបទ “ពង្រឹងភាពជាដៃគូប្រពៃណី និងបង្កើតភាពជាដៃគូថ្មី ដោយមានគោលដៅរួមច្បាស់លាស់” ។ ចំពោះការទទួលបានវិញ្ញាបនបត្រនេះ គឺបង្ហាញពីការចូលបំពេញគ្រប់លក្ខណៈវិនិច្ឆ័យរបស់ក្រុមហ៊ុន Huawei Technologies (Cambodia) CO., LTD តាមច្បាប់របស់អគ្គនាយកដ្ឋានគយ និងរដ្ឋករកម្ពុជា បានដាក់ជូន។
កម្មវិធីប្រតិបត្តិករសេដ្ឋកិច្ចបានទទួលការអនុញ្ញាត ជាកម្មវិធីមួយផ្ដល់កិច្ចសម្រួល ពាណិជ្ជកម្មបន្ថែមជូនធុរជននានាដែលបានបំពេញគ្រប់លក្ខណៈវិនិច្ឆ័យ ស្របតាមការកំណត់របស់អគ្គនាយកដ្ឋានគយនិងរដ្ឋាករកម្ពុជា ដើម្បីរួមចំណែកបង្កើនសន្តិសុខនិងសុវត្ថិភាពនៃខ្សែច្រវាក់ផ្គត់ផ្គង់ សាកល។ បុគ្គលស្នើសុំវិញ្ញាបនបត្រប្រតិបត្តិករសេដ្ឋកិច្ចបានទទួលការអនុញ្ញាតរួមមានអ្នកនាំចេញ អ្នក នាំចូល ជើងសាគយ សហគ្រាសផលិតកម្ម ប្រតិបត្តិករភស្តុភារកម្ម ប្រតិបត្តិករបញ្ជូនទំនិញ ប្រតិបត្តិករ ដឹកជញ្ជូនទំនិញ សហគ្រាសធុនតូច និងមធ្យម និងនីតិបុគ្គលពាក់ព័ន្ធផ្សេងទៀតក្នុងពាណិជ្ជកម្មអន្តរជាតិ។
បើយោងទៅតាមអគ្គនាយកដ្ឋានគយ និងរដ្ឋករកម្ពុជា បានឲ្យដឹងថា ចន្លោះពីឆ្នាំ២០០៥ រហូតដល់ឆ្នាំ២០២៣ កន្លងទៅថ្មីៗនេះ អគ្គនាយកដ្ឋានគយនិងរដ្ឋាករកម្ពុជា រួមជាមួយបណ្តាប្រទេស (Letter of Intent) ដើម្បីអនុវត្តនូវក្របខ័ណ្ឌស្តង់ដារសុវត្ថិភាពនិងសម្រួលពាណិជ្ជកម្មសកល របស់អង្គការគយពិភពលោក (World Customs Organization SAFE Framework of Standards to ជាបន្តបន្ទាប់ ដើម្បីបង្ការនិងឆ្លើយតបទៅនឹងការគម្រាមកំហែងភេរវកម្ម ក៏ដូចជាការរួមចំណែកបង្កើន Secure and Failiate Global Trade ឬ WCO-SAFE)។
នៅក្នុងឆ្នាំ២០១៣ អគ្គនាយកដ្ឋានគយនិងរដ្ឋាករកម្ពុជា បានចាប់ផ្តើមអនុវត្តប្រកបដោយ ជោគជ័យនូវយន្តការលើកទឹកចិត្តធុរជនល្អបំផុត ដើម្បីផ្ដល់ការលើកទឹកចិត្តជូនធុរជនជាអ្នកនាំចេញ អ្នកនាំចូល ដែលមានកម្រិតអនុលោមភាពខ្ពស់ ជាគំរូដល់ធុរជនផ្សេងទៀតនិងជាការចូលរួមលើក កម្ពស់សីលធម៌សារពើពន្ធក្នុងសង្គមធុរកិច្ចកម្ពុជា ដែលត្រូវបានកំណត់ជាជំហានដំបូងនៃការអនុវត្ត កម្មវិធីប្រតិបត្តិករសេដ្ឋកិច្ចបានទទួលការអនុញ្ញាត (AEO) ពេញលេញមួយ ស្របតាមឧត្តមវានុវត្ត អន្តរជាតិ។ រហូតមកដល់ពេលនេះមានធុរជនល្អបំផុតចំនួន ៥០ ក្រុមហ៊ុន កំពុងទទួលបានការលើកទឹកចិត្ត ពីអគ្គនាយកដ្ឋានគយនិងរដ្ឋាករកម្ពុជា។
ជាក់ស្ដែងមកទល់នឹងឆ្នាំ២០២៣ ដោយមានកិច្ចសហការនិងគាំទ្រពីគម្រោង ARISE PuS7Y Cambodia យុទ្ធសាស្ត្រស្តីពីកម្មវិធីប្រតិបត្តិករសេដ្ឋកិច្ចបានទទួលការអនុញ្ញាត ២០២៣ - ២០២៥ ត្រូវបានដាក់ឱ្យអនុវត្តដែលក្នុងនោះមានគោលដៅយុទ្ធសាស្ត្រចំនួន ៨ រួមមាន៖
- ១.ការបង្កើតក្របខណ្ឌគតិយុត្តជាមូលដ្ឋានគ្រឹះ
- ២. ការរៀបចំស្ថាប័ននិងអង្គភាព AEO
- ៣. ការរៀបចំបែបបទនិងនីតិវិធីនៃការដាក់ពាក្យស្នើសុំនិងការទទួលស្គាល់
- ៤. ការបង្កើតកម្មវិធីបច្ចេកវិទ្យាពត៌មានសម្រាប់ កម្មវិធីប្រតិបត្តិករសេដ្ឋកិច្ចបានទទួលការអនុញ្ញាត។
- ៥. ការកសាងសមត្ថភាពនិងផ្សព្វផ្សាយកម្មវិធី AEO ជូនសាធារណៈជនពាក់ព័ន្ធ
- ៦. ការត្រួតពិនិត្យតាមដាននិងការវាយតម្លៃកម្មវិធីប្រតិបត្តិករសេដ្ឋកិច្ចបានទទួលការ
- អនុញ្ញាតនិងយន្តការលើកទឹកចិត្តធុរជនល្អបំផុត
- ៧. កាធ្វើឱ្យប្រសើរឡើងដល់យន្តការលើកទឹកចិត្តធុរជនល្អបំផុតបច្ចុប្បន្ន
- ៨. ការចុះកិច្ចព្រមព្រៀងទទួលស្គាល់ AEO គ្នាទៅវិញទៅមក (Mutual RecognitionArrangement- AEO - MRA)
ជាលទ្ធផលនៃការអនុវត្តកម្មវិធី AEO នេះ នៅឆ្នាំ២០២៣ មានក្រុមហ៊ុនចំនួន២ និងនៅ ដើមឆ្នាំ២០២៤ មានក្រុមហ៊ុន១ បានដាក់ពាក្យស្នើសុំវិញ្ញាបនបត្រ AEO និងត្រូវបានអគ្គនាយកដ្ឋានគយ និងរដ្ឋាករកម្ពុជាចុះត្រួតពិនិត្យផ្ទៀងផ្ទាត់សុពលភាពស្របតាមបែបបទនិងនីតិវិធីច្បាប់ជាធរមាន៕