បច្ចុប្បន្ននេះ TikTok បានក្លាយជាបណ្ដាញសង្គមដ៏មានប្រជាប្រិយភាពបំផុតមួយ ដែលមានមនុស្សរាប់ពាន់លាននាក់ជុំវិញពិភពលោកប្រើប្រាស់។ លើសពីនេះទៅទៀត TikTok ក៏បានក្លាយជាច្រកថ្មី ដែលអ្នកធ្វើទីផ្សារអាចផ្សព្វផ្សាយលក់ផលិតផល ឬសេវាកម្មផ្សេងៗ តាមរយៈ TikTok បានផងដែរ។
ទន្ទឹមនឹងនេះ បច្ចុប្បន្ននេះយើងសង្កេតឃើញថា មានបងប្អូនខ្មែរយើងជាច្រើន ក៏បានធ្វើការផ្សព្វផ្សាយលក់ផលិតផលផ្សេងៗ របស់ខ្លួននៅលើ TikTok ផងដែរ។ ដោយឡែក ប្រសិនបើអ្នកមានបំណងចង់ចេះផ្សព្វផ្សាយលក់ផលិតផលផ្សេងៗ នៅលើ TikTok ឱ្យចំគោលដៅ និងត្រូវតាមគោលការណ៍ ក៏ដូចជាស្ដង់ដាររបស់ TikTok អ្នកអាចធ្វើការទៅសិក្សារៀនសូត្របន្ថែម នៅក្នុងគេហទំព័រ Ttiktok Ads Academy បានដោយឥតគិតថ្លៃ។
ដោយមេរៀនទាំងអស់នេះ ត្រូវបានបង្កើតឡើងដោយក្រុមការងារ TikTok ផ្ទាល់តែម្ដង មិនថាតែមេរៀនទាក់ទងទៅនឹងច្បាប់ទម្លាប់ ទិចនិចទិញពាណិជ្ជកម្ម ទិចនិចធ្វើទីផ្សារផ្សេងៗ នៅលើ TikTok និងមេរៀនលម្អិត ពិសេសៗជាច្រើនទៀតពាក់ព័ន្ធនឹងការធ្វើទីផ្សារនៅលើ TikTok។
