រាល់ដងយើងធ្លាប់តែឃើញបច្ចេកវិទ្យា AI ឬក៏បច្ចេកវិទ្យាទំនើបៗផ្សេងនៅតែក្នុងរឿងភាគហុងកុងឬ ប្រទេសផ្សេងៗតែប៉ុណ្ណោះ ប៉ុន្តែយើងមិនធ្នាប់ដឹងទេថាតើបច្ចេកវិទ្យានោះពិតជាមានការដាក់ឲ្យប្រើប្រាស់ ប្រាកដមែន ឬយ៉ាងណា? ថ្ងៃនេះ Technology Cambodia នឹងមកស្រាយចម្ងល់ឲ្យអ្នកអានទាំងអស់គ្នាបានដឹង។
បើយោងតាមប្រភពសារព័ត៏មាន South China Morning post បានឲ្យដឹងថា ប៉ូលីសនៅខាងហុងកុង បានបំពាក់នូវកាមេរ៉ាដែលមាន AI ស្កែនមុខជាង ៥មុឺនកន្លែងនៅក្នុងទីក្រុងហុងកុង។ AI នេះវាមានមុខងារអាចតាមដានមុខជនសង្ស័យណាដែលប៉ូលីសកំពុងតាមចាប់ AI នេះប៉ូលីសបានបង្កប់វានៅក្នុងកាមេរ៉ាតាមតំបន់ដែលប៉ូលីសបានដាក់គោលដៅ មិនថាមុខសញ្ញានោះធ្វើសកម្មភាព ឬធ្វើដំណើរដល់ទីណាក៏ប៉ូលីសដឹងដែរ។
ជាមួយគ្នានេះដែរ AI វាក៏អាចជួយសម្រួលដល់ការងារប៉ូលីសបានមួយកម្រឹតដែរ ប៉ូលិសមិនចាំបាច់ចំណាយកម្លាំងឲ្យទៅប្រថុយគ្រោះថ្នាក់ក្នុងការតាមដានជនល្មើសច្រើនពេកឡើយ។ ណាមួយ AI នេះវាអាចចាប់មុខ និងសកម្មភាពរបស់ជនល្មើសបានទោះបីជាជនល្មើសស្ថិតនៅកន្លែងដែលមានស្ថានភាពអ៊ូអរយ៉ាងណាក៏ដោយ។
គូសបញ្ជាក់ថា មិនមែនមានតែនៅក្នុងទីក្រុង ហុងកុង ទេដែលមាន AI នៅមានជាង ៥០ ប្រទេសផ្សេងទៀតដែលប្រើប្រាស់បច្ចេកវិទ្យា AI នេះនៅក្នុងវិស័យនគរបាល៕
