កាលពីឆ្នាំ២០២២ កន្លងទៅនេះ មហាសេដ្ឋីលេខ២ ពិភពលោក គឺលោក Elon Musk បានប្រកាសធ្វើការទិញយកក្រុមហ៊ុនបណ្ដាញសង្គម Twitter ក្នុងតម្លៃ ៤៤ពាន់លានដុល្លារសហរដ្ឋអមេរិក។ ប៉ុន្ដែអ្វីដែលគួរឱ្យភ្ញាក់ផ្អើលនោះ គឺមិនទាន់បាន១ឆ្នាំស្រួលបួលផង ឥឡូវនេះលិចឮដំណឹងថា ក្រុមហ៊ុន Twitter ដែលលោក Elon Musk ទិញទៅបានធ្លាក់តម្លៃខ្លួនមកសល់ប្រមាណ១៥ពាន់លានដុល្លារប៉ុណ្ណោះ។
បើតាមការចុះផ្សាយរបស់សារព័ត៌មាន Business Insider បានឱ្យដឹងថា បើតាមការវាយតម្លៃនៃរបាយការណ៍ការកាន់កាប់ប្រចាំខែរបស់ក្រុមហ៊ុន Twitter នាពេលថ្មីៗនេះ អ្នកគ្រប់គ្រងទ្រព្យសកម្មបានប៉ាន់ប្រមាណថា ក្រុមហ៊ុន Twitter មានតម្លៃត្រឹមតែ ១៥ពាន់លានដុល្លារប៉ុណ្ណោះ ដែលស្មើនឹងប្រមាណ ៣៣% នៃចំនួនលុយសរុប ៤៤ពាន់លានដុល្លារដែល Elon Musk បានចំណាយដើម្បីទិញយកក្រុមហ៊ុន Twitter កាលពីខែតុលា ឆ្នាំ២០២២កន្លងទៅនេះ។
គួរជម្រាបផងដែរថា លោក Elon Musk បានធ្វើការទិញបណ្ដាញសង្គម Twitter ក្នុងខែតុលាឆ្នាំ២០២២ ក្នុងតម្លៃ៤៤ពាន់លានដុល្លារ ដោយមានគោលដៅកែប្រែបណ្ដាញសង្គមមួយនេះ ទៅជាកន្លែងដែលគ្រប់គ្នាមានសេរីភាពក្នុងការបញ្ចេញមតិយោបល់។ ប៉ុន្ដែយ៉ាងណាក៏ដោយ ដោយសារតែកត្តាសេដ្ឋកិច្ចក្រោយកូវីដ19 បានជះឥទ្ធិ ហើយក្រោយពីទិញ Twitter រួចលោក Elon Musk បានធ្វើកំណែទម្រង់ជាច្រើនផងដែរ។
