ជាក់ស្ដែង កាលពីថ្ងៃទី២៤ ខែមិថុនា ឆ្នាំ២០២៤កន្លងទៅនេះ នៅលើទំព័រហ្វេសប៊ុកផេកផ្លូវការណ៍របស់សម្ដេចតោជោ លោកបានធ្វើការបង្ហោះនូវសារគាំទ្រក៏ដូចជាជំរុញឲ្យប្រជាជនខ្មែរប្រើប្រាស់នូវកម្មវិធី CoolApp ដើម្បីគាំទ្រលើកទឹកចិត្តឲ្យកូនខ្មែរចេះស្រាវជ្រាវបច្ចេកទេសវិទ្យាសាស្ត្រ ក្លាយជាផលិតផលខ្មែរ និងដើម្បីសុវត្ថិភាពព័ត៌មានឯកជនផងដែរ។

តាមរយៈការបង្ហោះមួយនេះ សម្ដេចក៏បានបង្ហាញពីមុខងារពិសេសៗរបស់ CoolApp ដែលលិចធ្លោជាង App ដទៃដូចខាងក្រោម៖

1. ងាយស្រួលបង្កើតដោយមិនពិបាករកលេខកូដពីកន្លែងផ្សេង ឬរង់ចាំយូរ។
2. បញ្ជូនសារជាអក្សរ រូបថត វីដេអូ និងសារសម្លេងបានលឿន។
3. ហៅនិយាយឆ្លងឆ្លើយនិង Video call បានយ៉ាងច្បាស់ល្អ។

ជាមួយគ្នានេះដែរ តាមរយៈការប្រើប្រាស់តេស្ដរបស់សម្ដេចឃើញថា CoolApp ប្រើ Internet តិចជាងប្រពន្ធ័ផ្សេងទៀត។

គួរជម្រាបផងដែរថា CoolApp ប្រើប្រព័ន្ធរក្សាការសំងាត់បំផុត គឺប្រព័ន្ធ Encryption ដែលពុំអាចមើល ឬអានសាររបស់យើងទេ សូម្បីតែក្រុមហ៊ុន CoolApp ផ្ទាល់ក៏ដោយក៏មិនអាចឃើញសាររបស់អ្នកផងដែរ៕