យោងតាមអត្ថបទមួយចេញផ្សាយដោយសារៈព័ត៌មាន Bloomberg ដោយដកស្រង់ពីសម្ដីបុគ្គលិកមួយរូបរបស់ Meta ដោយមិនបញ្ចេញឈ្មោះថា “ពួកយើងស្ថិតក្នុងដំណាក់កាលមួយ ខ្លាច Apple”។

មែនទែនយើងឃើញថាក្រុមហ៊ុនទាំងពីរនេះនឹងប្រកួតប្រជែងគ្នាខ្លាំងលើប្រភេទ ឧបករណ៍ Mixed-reality នៅពេលនេះនឹងអនាគតតទៅមុខ បើទោះជា Meta អ្នកចេញមកប្រកាសថាខ្លួនឡើងលើទីផ្សារមុនមែន តែ Apple ក៏សម្ងំអភិវឌ្ឍមកយូរដែរហើយ ទើបបញ្ចេញផលិតផលសម្រេចមកតែម្ដងនាពេលថ្មីៗនេះ។

កន្លងមកយើងអាចមើលឃើញខ្លះហើយថា Apple ជាក្រុមហ៊ុនប្រាកដនិយមមួយ ប្រសិនបើហក់ចូលទីផ្សារណាមួយហើយ លុះត្រាតែផលិតផលគាត់រួចរាល់ក្នុងភាគរយច្រើន ជាពិសេសផ្ដោតទៅលើបទពិសោធន៍នៃការប្រើប្រាស់តែម្ដង។

យើងអាចមើលគម្រូ iPhone បាន ព្រោះថាមុននឹង Apple ចេញ iPhone នេះមានក្រុមហ៊ុនជាច្រើនជាអ្នកក្ដោបក្ដាប់ទីផ្សារទូរស័ព្ទ តែក្រោយ Apple លោតចូលហើយនោះ ១៥ ឆ្នាំចុងក្រោយនេះ គេអាចនិយាយបានថា Apple ជាអ្នកកំណត់ទំនោរទីផ្សារមួយផងដែរ។