១.លក់ផលិតផល៖

បច្ចុប្បន្ននេះ Algorithm របស់ TikTok ហាក់មិនទាន់មានការរឹតបន្ដឹងខ្លាំងដូច Facebook នៅឡើយទេ។ បើនិយាយឱ្យងាយយល់គឺរាល់ពេលដែលអ្នកផុសវីដេអូអ្វីមួយ វីដេអូរបស់អ្នកនឹងត្រូវបាន TikTok រុញឱ្យដល់មនុស្សជាច្រើនបានមើលឃើញ។ ហេតុនេះអ្នកអាចមានឱកាសធ្វើទីផ្សារហ្វ្រីៗ ដើម្បីលក់ផលិតផលរបស់អ្នកបានយ៉ាងងាយ។ ដោយឡែកសម្រាប់ការចាយលុយផ្សាយពាណិជ្ជកម្មនៅលើ TikTok ក៏ហាក់ចំណាយតិច និងមានប្រសិទ្ធិភាពខ្ពស់ផងដែរ។

២.Influencer៖

ផ្លូវធ្វើជា TikTok Influencer នេះ គឺអ្នកអាចរកចំណូលបានតាមរយៈការទទួលផ្សាយពាណិជ្ជកម្មឱ្យក្រុមហ៊ុន ឬអាជីវកម្មផ្សេងៗ នៅលើវីដេអូរបស់អ្នក។ ប៉ុន្ដែអ្វីដែលសំខាន់អ្នកត្រូវចេះផលិតវីដេអូដែលទាក់ទាញនិងមានអ្នកទស្សនា និងអ្នកតាមដានឱ្យបានជាមុនសិន។ នៅពេលដែល TikTok របស់អ្នកមានអ្នកតាមដានច្រើន លុយនឹងរត់មករកអ្នកដោយខ្លួនឯង។

៣​​. សេវាកម្មគ្រប់គ្រង TikTok៖ 

បច្ចុប្បន្ននេះ មានក្រុមហ៊ុនច្រើនណាស់ ដែលត្រូវការធ្វើទីផ្សារនៅលើ​បណ្ដាញសង្គម TikTok។ ហើយក្រុមហ៊ុនទាំងអស់នោះទៀតសោត ក៏ត្រូវការអ្នកមានសមត្ថភាពមកជួយកាន់ TikTok ឱ្យ ដើម្បីធ្វើការផ្សព្វផ្សាយពាណិជ្ជកម្មផ្សេងៗ។ ហើយការងារកាន់ TikTok នេះទៀតសោរ គឺពុំចាំបាច់អ្នក នៅអង្គុយអូហ្វីសរហូតឡើយ ពោលគឺឱ្យតែមានកុំព្យូទ័រនិង អ៊ឺនធឺណិតសម្រាប់ធ្វើការប៉ុណ្ណោះ។ ប៉ុន្ដែវាតម្រូវឱ្យយើងចេះទីផ្សារឌីជីថល ពោលគឺចេះផ្សព្វផ្សាយលើបណ្ដាញសង្គម TikTok ឱ្យមានប្រសិទ្ធិភាព។

គួរជម្រាបផងដែរថា TikTok គឺជាបណ្ដាញសង្គមដែលមានការពេញនិយមបំផុតមួយដែលប្រជាជនខ្មែរយើបានប្រើប្រាស់។ ហើយអ្វីដែលជាឱកាសម្រាប់អ្នកគ្រប់គ្នានោះ គឺបច្ចុប្បន្ន Algorithm របស់ TikTok មិនទាន់មានការរឹតបន្ដឹងខ្លាំងដូច Facebook នៅឡើយទេ។ ពោលគឺរាល់វីដេអូដែលអ្នកបង្ហោះនៅលើ TikTok គឺមានឱកាសទៅដល់មនុស្សច្រើនដូច Facebook កាលពីពេលបង្កើតដំបូងៗអញ្ចឹង។ ហេតុនេះសង្ឃឹមថាអ្នកអាចទាញឱកាសបានពី TikTok តាមរយៈការផលិតមាតិការវីដេអូល្អៗ ផ្ដល់ជូនទៅអ្នកទស្សនា ដើម្បីកសាង​គណនី TikTok របស់ខ្លួនឱ្យមាន Follower ច្រើន និងច្នៃ Follower ទាំងអស់នោះឱ្យទៅជាប្រយោជន៍៕

អត្ថបទដោយ៖ Nava Siri (FB: Navasiri Morm; Telegram: 0966034563)