បច្ចុប្បន្ននេះ ការផលិតមាតិកា ឬ Content Creator សម្រាប់ដាក់នៅលើបណ្ដាញ បានក្លាយទៅជាអាជីពដ៏ពេញនិយមមួយនៅក្នុងសម័យឌីជីថលនេះ និងមិនធ្លាប់មានពីមុនមក។ ស្របពេលដែលឆ្នាំ២០២៣ កំពុងតែឈានជិតចូលមកដល់ ប្រសិនបើអ្នកមានក្ដីស្រមៃចង់ក្លាយជា Content Creator ខាងក្រោមនេះ គឺជាវីដេអូពេញនិយមទាំង៦ប្រភេទ ដែលអ្នកអាចពិចារណាក្នុងការចាប់ផ្ដើមផលិតវីដេអូណាមួយបាន។
១.ម្ហូបអាហារ (Food)៖
អាហារគឺរបស់ដែលមនុស្សមិនអាចខ្វះបានទោះនៅជំនាន់ណាក៏ដោយ ហើយប្រសិនបើអ្នកជាមនុស្សដែលចូលចិត្តឬដឹងផ្នែកអាហារច្រើន អ្នកអាចពិចារណាចាប់ផ្ដើមផលិតវីដេអូពីអាហារបាន។ ហើយរឿងដែលអ្នកត្រូវធ្វើ ដើម្បីជោគជ័យលើការផលិតវីដេអូអាហារ ទី១គឺត្រូវថតអាហារឱ្យបានស្អាតនិងទាក់ទាញ និងធ្វើយ៉ាងណាឱ្យអ្នកទស្សនា មើលហើយមានអារម្មណ៍ថាឃ្លាចតាម។ បន្ថែមពីនេះទៀត ប្រសិនបើអ្នកញ៉ាំ អ្នកត្រូវចេះលើកបង្ហាញយ៉ាងណាឱ្យទាក់ទាញទៅកាន់ទស្សនិកជន និងកុំភ្លេចបញ្ចូលភាពជាខ្លួនឯងចូលទៅក្នុងវីដេអូដើម្បីឱ្យអ្នកទស្សនាចងចាំ។
២.ដំណើរកំសាន្ដ (Travel)៖
វីដេអូដំណើរកំសាន្ដក៏ជាប្រភេទវីដេអូដ៏ពេញនិយមបំផុតមួយផងដែរ។ ដើម្បីផលិតវីដេអូដើរលេងឱ្យបានទាក់ទាញ អ្នកត្រូវរៀបដំណើរសាច់រឿងឱ្យាបានល្អប្រាប់ទៅកាន់អ្នកមើល ហើយអ្នកត្រូវថតបង្ហាញទេសភាពស្អាតៗ បូករួមជាមួយនឹងការរៀបរាប់ ធ្វើយ៉ាងណាឱ្យអ្នកមើលមានអារម្មណ៍ថាចង់ទៅទីនោះដែរ។
៣.សម្រស់ (Beauty)៖
ប្រភេទវីដេអូសម្រស់ (Beauty) ក៏ជាប្រភេទវីដេអូមួយដែលពេញនិយមមួយផដដែរ ជាពិសេសសម្រាប់សុភាពនារីៗ ដែលពូកែខាងតុបតែងខ្លួន អាចពិចារណាចាប់ផ្ដើមបាន។ ដោយអ្នកអាចថតជាវីដេអូតេស្ដគុណភាពផលិតផលគ្រឿងសម្អាង និងចែករំលែកបទពិសោធន៍មកកាន់អ្នកមើលកុំឱ្យទិញខុស។ បន្ថែមពីនេះទៀត អ្នកក៏អាចផលិតវីដេអូ Tips ឬជា Vlog នាំដើរ Shopping គ្រឿងសម្អាងបានដូចគ្នា។
