Wuling Hong Guang Mini EV គឺជាកូនឡានអគ្គិសនីមានភាពល្បីល្បាយខ្លាំងមែនទែននៅឯប្រទេសចិន និងជាប់ជារថយន្តលក់ដាច់ជាងគេចំណាត់ថ្នាក់លេខ៣ នៅលើពិភពលោក ឆ្នាំ២០២២ នេះ ។ រថយន្តអគ្គិសនី ជាប្រភេទ Microcar និងមានកម្រិតបំពុលទាបបំផុត ស្មើនឹងសូន្យ។ នៅក្នុងប្រទេសចិន Wuling Hong Guang Mini Ev ទទួលបានប្រជាប្រិយភាពជាខ្លាំងពីប្រជាជននៅចិនរួមទាំងពិភពលោកទាំងមូល ។
ដោយសារតែរូបរាង និងពណ៌ឃ្ចូតៗ គួរឲ្យស្រឡាញ់បែបនេះ អ្នកធ្វើផលិតវិដេអូ ឬ Youtuber មួយក្រុមបានសម្រេចយក Wuling Hong Guang Mini EV មកកែច្នៃបន្ថែមក្លាយជារថយន្តថ្មីមួយទៀត មានរូបរាងធំជាងមុន ២ដង ឬអាចនិយាយបានថា Mini Ev ប្រែកាយជា Mini EV 6X6 Monster Truck កង់៦ ។
បើយោងតាមវិដេអូខ្លីចំនួន ១៥នាទី របស់ឆាណែលយូធូប Wheelsboy បានបង្ហាញរថយន្តកង់៦ ឬ Monster Truck ជារថយន្តកែច្នៃចេញពី Wuling Hong Gaung Mini EV ។ ក្នុងការកែច្នៃរថយន្តនេះឡើងមក បើតាមបុរសម្នាក់ជនជាតិចិន បានបញ្ជាក់ថា រថយន្តនេះផងដែរត្រូវបានបំពាក់ជាមួយគ្រឿងលេងជាច្រើន ដូចជា កង់ចំនួន ៦ ម៉ាស៊ីន៤ ស៊ីឡាំង ចំណុះ ២.០លីត្រ ប្រើជា Turbocharged ។
ចំណែកឯផ្នែកខាងក្រៅនៃរថយន្តនេះ ក្បាលរថយន្តត្រូវបានរក្សាសភាពដើមរបស់ Wuling Hong Gaung Mini EV នៅដដែលរួមទាំងភ្លើង LED រាងដូចប្រអប់ផងដែរ ។ រីឯបំពង់រន្ធ៣ ខាងលើនោះគឺជា Supercharge ប៉ុន្តែវាជារបស់បន្លំភ្នែកនោះទេ ។ ហើយអ្វីដែលប្លែកខ្លាំងពី Monster Truck នោះគឺត្រង់ចង្កេះលេខដៃ ដោយគេមិនបានដាក់នៅខាងក្រោមក្បែរអ្នកបើកបរទេ គឺយកទៅដាក់ជាប់ជានឹងដំបូលរថយន្ត អមជាមួយនឹងទ្វារស្រាបមេអំបៅ ដូចទៅទ្វាររបស់ Tesla Model 3 ផងដែរ។
បុរសដែលជាជនជាតិនោះបាននិយាយថា ក្នុងការច្នៃរថយន្តកង់ ៦ Mini Ev monster Truck នេះឡើយមកចំណាយពេលតែ ២សប្ភាស៍តែប៉ុណ្ណោះ និងបើគិតជាទឹកប្រាក់ក្នុងការចំណាយលើសម្ភារ: គ្រឿងតុបតែង និងរថយន្តអគ្គិសនី Mini EV ទៀតនោះ សរុបមកអស់ ២ម៉ឺនដុល្លារ ឯណោះ ៕
អត្ថបទដោយ៖ ព្រឹម ភក្តី
