គួរបញ្ជាក់ថា Unoriginal មាតិកា គឺជាសកម្មភាពដែលលួចយកនូវវីដេអូ ឬរូបថត របស់អ្នកដទៃទៅបង្ហោះម្ដងទៀត ក្នុងគោលបំណងរកលុយតាម Facebook។ បន្ថែមពីនោះក្រុមហ៊ុន Meta បានបញ្ជាក់ច្បាស់ៗថា គណនីដែលបំពាននូវគោលការណ៍នេះ មិនព្រមភ្ញាក់រឭកនៅតែយកមាតិការរបស់ម្ចាស់ដើមគេទៅធ្វើដដែលៗទៀត នឹងត្រូវរងការពិន័យពីក្រុមហ៊ុន Meta ផ្ទាល់ ដោយការបិទគណនីចោលបណ្ដោះអាសន្ន ឬបាត់បង់សិទ្ធិរកប្រាក់តាម Facebook ក្នុងរយៈពេលកំណត់ណាមួយ។

គួរជម្រាបផងដែរថា ឆ្នាំនេះក្រុមហ៊ុន Meta បានលុបទម្រង់ប្រហែលជា ១០លានរួចមកហើយ ដែលបានក្លែងបន្លំមាតិការរបស់អ្នកដទៃ។ អ្វីដែលសំខាន់ Meta បានប្រើប្រាស់ AI ដើម្បីត្រួតពិនិត្យទៅលើមាតិកាទាំងអស់ដែលផ្សព្វផ្សាយលើ Facebook បើសិនជាពិនិត្យឃើញ មាតិកាណាស្ទួនគ្នាច្រើន វានឹងកាត់បន្ថយការចែកចាយទាំងអស់នោះ ដើម្បីការពារ និងផ្ដល់ក្រេឌីតទៅម្ចាស់ដើម និងមានភ្ជាប់ពាក្យ Original by name សម្រាប់សម្គាល់ម្ចាស់ដើម៕