យោងតាមច្បាប់ស្ដីពីកាតព្វកិច្ចយោធា បានឱ្យដឹងថាក្រុមមនុស្សខាងក្រោមនេះជាអ្នកត្រូវបំពេញកាតព្វកិច្ចយោធា៖

១-ប្រជាពលរដ្ឋខ្មែរ ទាំងពីរភេទ ដែលមានអាយុពី ១៨ ដល់ ៣០ឆ្នាំ។ ចំពោះស្រ្តី ត្រូវផ្អែកតាមការស្ម័គ្រចិត្ត

២-ប្រជាពលរដ្ឋខ្មែរដែលមានសញ្ជាតិពីរ ហើយរស់នៅជាអចិន្ត្រៃយ៍ក្នុងព្រះរាជាណាចក្រកម្ពុជា

៣-និស្សិតបញ្ចប់ការសិក្សា: បន្ទាប់ពីបញ្ចប់ការសិក្សាថ្នាក់បរិញ្ញាបត្រ ឬវិជ្ជាជីវៈ

៤-មន្រ្តីរាជការ/បុគ្គលឯកជន: បើមិនស្ថិតក្រោមក្រុមដែលត្រូវបានលើកលែង

ដោយឡែក ការពន្យាពេលនៃការចូលបំពេញកាតព្វកិច្ចយោធា ត្រូវអនុវត្តចំពោះករណី ដូចខាងក្រោម៖

-ប្រជាពលរដ្ឋដែលកំពុងជាប់បំពេញការងារជំនាញក្នុងសហគ្រាសសាធារណៈ ឬ ឯកជនអាចដាក់ពាក្យសុំពន្យាពេលមួយឆ្នាំម្ដងៗ ប៉ុន្តែការសុំពន្យាពេលនេះមិនអាចលើស៣ឆ្នាំឡើយ

-ប្រជាពលរដ្ឋជាប់ពាក់ព័ន្ធបទល្មើស ដែលកំពុងស្ថិតក្នុងសមត្ថកិច្ចតុលាការ

-ប្រជាពលរដ្ឋជាប់ពាក់ព័ន្ធក្នុងរឿងព្រហ្មទណ្ឌដែលសមត្ថកិច្ចកំពុងតាមដាន

គួរជម្រាបផងដែរថាលក្ខខណ្ឌពន្យាពេលនៃការចូលបំពេញកាតព្វកិច្ចយោធានៃយុវជនកំពុងជាប់ការសិក្សា និងប្រជាពលរដ្ឋដែលស្ថិតក្នុងករណីពិសេសត្រូវកំណត់ដោយអនុក្រឹត្យ៕