អ្នកប្រើប្រាស់ Android គួរតែហាមដាច់ខាតមិនឲ្យ Download កម្មវិធី ៣ ប្រភេទនេះ៖ កម្មវិធីសម្អាត/បង្កើនល្បឿន, កម្មវិធីប្រើប្រាស់សាមញ្ញក្លែងក្លាយ (ដូចជា Flashlight ឬ QR Reader), និង កម្មវិធីពីប្រភពមិនផ្លូវការ (APK)ជាដើម។ មូលហេតុដែលកម្មវិធីទាំងនេះមានមេរោគ គឺដោយសារអ្នកបង្កើតមាន ចេតនារកប្រាក់ខុសច្បាប់ តាមរយៈការលួចទិន្នន័យ ការបង្កប់មេរោគ Adware ឬការប្រើប្រាស់សិទ្ធិ Accessibility Service ដោយបំពានដើម្បីគ្រប់គ្រងទូរស័ព្ទរបស់អ្នក។
១./ កម្មវិធីសម្អាតទូរស័ព្ទ (Cleaners), បង្កើនល្បឿន (Boosters), និងសន្សំថ្ម (RAM/Battery Saver)៖ គឺមានគ្រោះថ្នាក់ ព្រោះវាច្រើនតែផ្ទុក មេរោគ Adware ឬ Trojan ដែលលួចទិន្នន័យបានងាយស្រួលបំផុត។ កម្មវិធីទាំងនេះមិនត្រឹមតែមិនជួយទេ តែថែមទាំងធ្វើឲ្យទូរស័ព្ទយឺត និងស៊ីថ្មទៀតផង។ ឧទាហរណ៍រួមមាន Clean Master និង DU Battery Saver។ ដើម្បីការពារទូរស័ព្ទ និងសុវត្ថិភាពទិន្នន័យ សូមប្រើតែមុខងារ Optimize ឬ Device Care ដែលមានស្រាប់នៅក្នុង Settings របស់ Android តែប៉ុណ្ណោះ។
២./ កម្មវិធី Flashlight, QR Reader, ឬ Weather ក្លែងក្លាយ
មូលហេតុគ្រោះថ្នាក់៖ កម្មវិធី Utility Apps (ដូចជា QR code, Flashlight) ងាយស្រួលជឿ តែវាស្នើសុំ សិទ្ធិចូលប្រើ (Permissions) ហួសហេតុ (ដូចជា SMS, Contacts, Location) ដែលវាមិនចាំបាច់។ សិទ្ធិទាំងនេះជាសញ្ញានៃកម្មវិធី Spyware ដែលអាចតាមដានសកម្មភាព និងទីតាំងរបស់អ្នក។
៣./ កម្មវិធីក្លែងបន្លំ (Fake/Clone Apps) ដែលទើបចេញថ្មី៖ មូលហេតុដែលគួរចៀសវាង៖ ពួក Hacker តែងតែបង្កើត កម្មវិធីក្លែងក្លាយ (Fake Apps) ដែលមានរូបរាងដូច Mobile Banking Apps, QR Scanners, ឬ Crypto Wallets ល្បីៗ។ កម្មវិធីក្លែងក្លាយទាំងនេះតែងតែមាន ចំនួន Download និង Review តិចតួច។ គោលដៅចម្បងរបស់ពួកគេគឺលួចយក Username និង Password របស់អ្នកនៅពេលដែលអ្នកវាយបញ្ចូលព័ត៌មានទាំងនោះ។
គូសបញ្ជាក់ផងដែរថា មុននឹង Download ត្រូវ ពិនិត្យមើលដោយប្រុងប្រយ័ត្ន នូវឈ្មោះអ្នកបង្កើត (Developer Name) និងចំនួននៃការ Download ថាត្រូវនឹងកម្មវិធីផ្លូវការដែរឬទេ។ កុំដំឡើងកម្មវិធីណាដែលទើបតែចេញថ្មី ហើយមានចំនួន Download តិចតួចជាដាច់ខាត។
