ដោយឡែកប្រសិនបើលោកអ្នកជ្រើសរើសឧបករណ៍ខុស គុណសម្បត្តិដែលអ្នករំពឹងទុកទាំងប៉ុន្មាន នឹងផ្លាស់ប្ដូរទៅជាបញ្ហា ឬបង្កជាអសុវត្ថិភាពសម្រាប់ការរស់នៅទៅវិញ។ ជាក់ស្ដែង ខាងក្រោមនេះជា ឧបករណ៍ស្មាតហូម ជាពិសេសឧបករណ៍ពាក់ព័ន្ធនឹងប្រព័ន្ធសុវត្ថិភាពទាំង៥ ប្រភេទដែល Android Police ណែនាំឱ្យចៀសវាងដាច់ខាត៖

១/. ឧបករណ៍ដែលគ្មាននិមិត្តសញ្ញាច្បាស់លាស់

របស់ដែលគ្មាននិមិត្តសញ្ញាច្បាស់លាស់ អាចនឹងមានតម្លៃទាបជាង របស់ដែលចេញពី Brand ល្បីៗ។ ប៉ុន្តែទន្ទឹមនឹងនោះវាក៏អាចមានគុណភាពទាបជាង មានការទទួលស្គាល់តិចជាង ហើយអ្វីដែលសំខាន់ វាអាចនឹងមានភ្ជាប់មកជាមួយនូវមេរោគ ឬមានបង្កប់នូវឧបករណ៍សម្ងាត់មួយចំនួនដែលប៉ះពាល់ដល់សុវត្ថិភាពរបស់អ្នកប្រើប្រាស់។

២/. ឧបករណ៍ដែលមានបញ្ហាប្រព័ន្ធសុវត្ថិភាព

មុននឹងទិញឧបករណ៍អ្វីមួយលោកអ្នកគួរតែឆែកមើលប្រវត្តិ ឬមតិយោល់របស់អ្នកប្រើប្រាស់មុនៗ។ ចៀសវាងឧបករណ៍ណាដែលធ្លាប់មានញ្ហាសុវត្ថិភាព ហើយរឹតតែមិនគួរទិញ បើក្រុមហ៊ុនម្ចាស់ឧបករណ៍នោះមិនចេញមុខដោះស្រាយ ឬធ្វើការអាប់ឌេតជុំវិញបញ្ហាទាំងនោះ។

៣/. ឧបករណ៍ដែលទាមទារការបំពេញបែបបទខ្ពស់ពេក

ការទាមទារឱ្យបំពេញព័ត៌មានផ្ទាល់ខ្លួនច្រើនពេក អាចបង្កភាពអសន្តិសុខដល់អ្នកប្រើប្រាស់ ជាពិសេសវារឹតតែមានបញ្ហាប្រឈមខ្លាំងបើសិនជា មានតាក់ទងនឹងព័ត៌មានហិរញ្ញវត្ថុ។

៤/. ឧបករណ៍ដែលទាមទារឱ្យមានការបង់ប្រាក់បន្ថែមដើម្បីប្រើប្រាស់

ឧបរណ៍ខ្លះទាមទារឱ្យអ្នកប្រើប្រាស់បង់ប្រាក់ ដើម្បីបានប្រើមុខងារថ្មីៗ ប៉ុន្តែលោកអ្នកត្រូវដឹងថា ដើម្បីបង់ប្រាក់បានគឺយើងត្រូវបញ្ចូលព័ត៌មានធនាគារដូចជាភ្ជាប់វីសាកាតជាដើម ហើយការភ្ជាប់ព័ត៌មានបែបនេះ វាធ្វើឱ្យប្រឈមនឹងការ Hack ចូលគណនីធនាគារពីសំណាក់ពួក Hacker ខ្លាំងមែនទែន។ 

៥/. ឧបករណ៍ដែលទិញតាមអនឡាញឆ្លងប្រទេស

អ្នកជំនាញណែនាំ ឱ្យអ្នកទៅទិញផ្ទាល់ជាជាងទិញតាមនឡាញ ព្រោះថាបើទិញតាមអនឡាញ មិនប្រាកដទេថាអ្នកទទួលបានរបស់ពិតឬអត់? ជួនការឧបករណ៍ដែលទទួលបានមកអាចនឹង មិនមានមុខងារគ្រប់យ៉ាង ដូចការបង្ហាញនៅលើវីដេអូផ្សាយពាណិជ្ជកម្មជាដើម៕