ប្រភពដដែលបានឱ្យដឹងថា OAC បានបង្ហាញពីផែនការ បង្កើតសណ្ឋាគារ Voyager Station តាំងពីឆ្នាំ២០២១ មកម្ល៉េះ ដោយគ្រោងនឹងចំណាយទឹកប្រាក់ប្រមាណ ៦០ពាន់លានដុល្លារ សម្រាប់ដំណើរគម្រោងដ៏អស្ចារ្យមួយនេះ។

OAC បានបញ្ជាក់ថា សណ្ឋាគារអវកាស ដែលធ្វើដំណើរជុំវិញផែនដី លើកម្ពស់ដ៏ខ្ពស់ក្នុងដែនលំហ មួយនេះអាចផ្ទុកភ្ញៀវបានរហូតដល់ទៅ ២៨០នាក់ រួមបញ្ចូលទាំង ភោជនីយដ្ឋាន ដែលមានអាហារឆ្ងាញ់ៗដឹកមកពីផែនដី បារ កន្លែងហាត់ប្រាណ និងកន្លែងលេងកីឡាផ្សេងៗថែមទៀត។ សម្រាប់អ្នកដែលមានចំណាប់អារម្មណ៍ចង់សាកល្បងទៅគេងលេងលើសណ្ឋាគារអវកាស អាចត្រៀមលុយប្រហែលជា ៥លានដុល្លារ សម្រាប់ការស្នាក់នៅ ៣ថ្ងៃ។

គួរជម្រាបផងដែរថា វិស្វករជំនាញរបស់ OAC បានគិតគូរពីសុវត្ថិភាពរបស់ភ្ញៀវ ដើម្បីធានាបានថាពួកគេនឹងមិនអណ្ដែតទៅឆ្ងាយ គេបានសាងសង់សណ្ឋាគារមានរាងជារង្វង់ និងបង្កើតឱ្យមានទំនាញសិប្បនិម្មិត ហេតុនេះមនុស្សគ្រប់គ្នាអាចដើរបាន និងមានទំនាញធម្មតាដូចនៅលើផែនដីដែរ៕​

លោកអ្នកយល់យ៉ាងណាចំពោះសណ្ឋាគារអវកាស Voyager Station? ចង់សាកទៅគេងមើលលំហដែរទេ? កុំភ្លេចខមិនប្រាប់ Admin ផងណា!