ក្រុមហ៊ុន Mansory បានបង្កើតតាំងពីឆ្នាំ 1989 ដោយ Kourosh Mansory មានអាយុកាល 35ឆ្នាំហើយ ហើយបើក្រលែកមកមើលក្រុមហ៊ុន Vespa បានចាប់ផ្តើមក្នុងឆ្នាំ 1946 បន្ទាប់ពីសង្គ្រាមលោកលើកទី 2 បើគិតមកដល់ឥលូវមានអាយុ 78ឆ្នាំហើយ ហើយក្រុមហ៊ុន Vespa បាននិយាយថា ម៉ូតូ Vespa មានតម្លៃខ្ពស់មិនមែនគ្រាន់តែដោយសារម៉ាកល្បីឈ្មោះប៉ុណ្ណោះទេ ដូចឆ្នោះហើយទើបក្រុមហ៊ុន Vespa បានចាប់ដៃគ្នាធ្វើអោយម៉ូតូរបស់ខ្លួនកាន់តែមានភាពប្រណិត និងមានតម្លៃកាន់តែខ្ពស់។ ចឹងបានថាការងានិងមុខរបរគេមិនធ្វើអ្វីដែរដ៏ដែលៗទេ។

 Vespa x MANSORY គឺជាការចូលរួមប្រកបដោយសិល្បៈរវាងក្រុមហ៊ុនកែច្នៃរថយន្តប្រណិត MANSORY និងម៉ាកម៉ូតូដែលមានកេរ្តិ៍ឈ្មោះជាយូរឆ្នាំរបស់ Vespa។ ការចូលរួមនេះផ្តល់នូវស្ទីលបត់បែនប្រកបដោយភាពខ្ពង់ខ្ពស់របស់ MANSORY ទៅលើរចនាដែលមានកេរ្តិ៍ឈ្មោះនៃ Vespa ដោយមានប្រណិតភាព។ ម៉ូតូនេះក៏គ្រោងនិងផលិតនៅក្នុងចំនួនមានកំណត់ដែរគឺត្រឹមតែ 99គ្រឿងទេ សម្រាប់កាតឌីស្សាញដោយក្រុមហ៊ុន MANSORY នេះគឺស្អាតជាង Vespa Jastin ទៅទៀត ដោយវាត្រូវបានប្រើប្រាស់ជាមួយ cabofiber ទៅលើផ្នែកជំហៀង ផ្នែកខាងមុខ មានដាក់ឈ្មោះ MANSORY របាំងភក់ ឬក៏ហៅថាកាត់តាប៊ូមុខ និងមានCover លើភ្លើងស៊ីញ៉ូជាដើម បើបូកលុយសម្រាប់ការលេងបន្ថែមនេះក៏ចាយលុយមិនតិចដែរ។

 ចំនុចដែរធ្វើអោយខ្ញុំចាប់អារម្ភៈខ្លាំងនោះគឺ កញ្ចក់មើលក្រោយតែម្តង បងប្អូនអាចឃើញដោយការឌីស្សាញនេះមិនអោយច្រឡំគេតែម្តង ដែរធ្វើអោយកាន់តែលើកសម្រស់ម៉ូតូនេះបន្ថែមទៀត សម្រាប់កែបម៉ូតូក៏បានដេជាថ្នេរយ៉ាងស្រស់ស្អាតដែរ…ហើយក៏ប្រើប្រាស់នូវស្បែកឆៅតែម្តងជាមួយនិងកែបម៉ូតូនេះ ឆ្លាក់ឈ្មោះ MANSORY យ៉ាងស្រស់ស្អាតបន្ថែមពីនេះ។ វត្ថុធាតុដើមដែលប្រើប្រាស់មានដូចជា អាលុយមីញ៉ូម និង កាបូន (Carbon Fiber) ដែលមានទម្ងន់ស្រាល ប៉ុន្តែមានសមត្ថភាពខ្ពស់ជាមួយការប្រើប្រាស់ ។

វត្ថុធាតុដើមទាំងនេះត្រូវបានជ្រើសរើសយ៉ាងម៉ត់ចត់ ដើម្បីធានាថាម៉ូតូមានភាពរឹងមាំ និងភាពប្រណិតដែលជាការពេញចិត្តរបស់អ្នកប្រើប្រាស់។ ហើយសម្រាប់ខ្ញុំព័ណ៌មួយណាក៏ស្អាតដែរ ចុះបងប្អូនវិញគិតយ៉ាងណាដែរ? គួរជម្រាប់ថាម៉ូតូនេះមិនទាន់បានប្រកាសលក់ជាផ្លូវការនៅឡើយទេ ហើយសម្រាប់ម៉ូតូនេះក៏ជាប្រភេទអគ្គិសនីដែរ តែបើចេញលក់ពេលណាខ្ញុំជឿថាស្រុកខ្មែរក៏មានជិះដែរគ្រាន់តែយូរហើយនិងឆាប់តែប៉ុណ្ណោះ។