ប្រភពដដែលបានបញ្ជាក់ថា ទំនិញសំខាន់ៗដែលសហរដ្ឋអាមេរិកបាននាំមកកាន់ប្រទេសកម្ពុជារួមមាន៖

១-យានជំនិះក្រៅពីផ្លូវរថភ្លើង៖ សំដៅលើមធ្យោបាយដឹកជញ្ជូនណាមួយដែលមិនដំណើរការលើផ្លូវដែក រួមទាំងរថយន្ត ឡានដឹកទំនិញ ឡានក្រុង ម៉ូតូ កង់ និងយានជំនិះនៅលើដីផ្សេងទៀត។

២-កាកសំណល់ពីឧស្សាហកម្មអាហារ និងអាហារសត្វ

៣-ស្បែកសត្វ និងសម្លៀកបំពាក់ធ្វើពីស្បែកសត្វ ឬសម្លៀកបំពាក់ស្បែកសិប្បនិម្មិត

៤-គ្រឿងម៉ាស៊ីន ដូចជាចង្ក្រៀង និង ឡចំហាយ

៥-ក្រដាស និងក្រដាសកៀប, ផលិតផលដែលផលិតពីទ្រនាប់ក្រដាស

គួរជម្រាបផងដែរថា តាមរបាយការណ៍ចុងឆ្នាំ ២០២៤ របស់អគ្គនាយកដ្ឋានគយ និងរដ្ឋាករកម្ពុជា បានបង្ហាញថា កម្ពុជានាំចេញទំនិញទៅអាម៉េរិក ក្នុងទំហំប្រមាណ ៨,៨ពាន់លានដុល្លារ ដោយកើនឡើង ១១% បើធៀបនឹងឆ្នាំ២០២៣។ កម្ពុជា នាំចូលទំនិញពីអាម៉េរិកមានទំហំប្រមាណ ២៥៧លានដុល្លារ ដោយកើនឡើង ២,៧%៕