យោងតាមការអាប់ឌេតចុងក្រោយរបស់ Apple Support និងការចុះផ្សាយលើគេហទំព័រព័ត៌មានអន្តរជាតិ Forbes បានប្រាប់ឲ្យដឹងថា ក្រុមហ៊ុន Apple បានបញ្ចេញប្រព័ន្ធប្រតិបត្តិការ iOS 26.5 រួមជាមួយការព្រមានឱ្យអ្នកប្រើប្រាស់ធ្វើបច្ចុប្បន្នភាព (Update) ជាបន្ទាន់។ នេះក៏ព្រោះតែ iOS 26.5 បានជួសជុលបញ្ហាចន្លោះប្រហោងផ្នែកសន្តិសុខយ៉ាងច្រើនសន្ធឹកសន្ធាប់រហូតដល់ទៅជាង ៦០ ចំណុច ដែលក្នុងនោះមានបញ្ហាជាច្រើនត្រូវបានចាត់ទុកថាមានសភាពធ្ងន់ធ្ងរ។
មូលហេតុដែល Apple ចេញសេចក្តីព្រមានឱ្យអាប់ដេតទៅកាន់ iOS 26.5 ជាបន្ទាន់នោះ គឺដោយសារតែកត្តាសំខាន់ៗចំនួន ៣ ដូចខាងក្រោម៖
១. បិទចន្លោះប្រហោងសុវត្ថិភាពធ្ងន់ធ្ងរ (Security Patches)
នេះគឺជាមូលហេតុចម្បងបំផុត ជារឿយៗ Apple រកឃើញចន្លោះប្រហោងដែល Hacker អាចប្រើដើម្បីលួចចូលគ្រប់គ្រងទូរសព្ទ ឬលួចទិន្នន័យឯកជន (ដូចជាលេខសម្ងាត់ធនាគារ ឬរូបថត)។ ការប្រើពាក្យថា "ព្រមាន" មានន័យថាចន្លោះប្រហោងនោះអាចនឹងកំពុងត្រូវបានគេវាយប្រហារ (Active Attack) ដូច្នេះអ្នកប្រើប្រាស់ត្រូវតែដំឡើងដើម្បីបិទច្រកនោះភ្លាម។
២. ការពារការវាយប្រហារពី Spyware
ក្នុងឆ្នាំ ២០២៦ នេះ ការវាយប្រហារដោយមេរោគចារកម្ម (Spyware) កាន់តែមានភាពឆ្លាតវៃ។ iOS 26.5 ត្រូវបានគេរាយការណ៍ថាបានបញ្ចូលនូវប្រព័ន្ធការពារថ្មី ដើម្បីទប់ស្កាត់ការលួចតាមដានទីតាំង ឬការលួចស្តាប់ការសន្ទនា ដែលអាចប៉ះពាល់ដល់ឯកជនភាពរបស់អ្នកប្រើប្រាស់កម្រិតខ្ពស់។
៣. បង្កើនស្ថិរភាពដល់មុខងារ AI (Apple Intelligence)
ដោយសារ iOS 26 ផ្ដោតខ្លាំងលើ AI ដូច្នេះក្នុងកំណែ ២៦.៥ នេះ Apple បានកែសម្រួលនូវកំហុសបច្ចេកទេស (Bugs) ដែលធ្លាប់ធ្វើឱ្យទូរសព្ទឆាប់ក្ដៅ ឬស៊ីថ្មខ្លាំងនៅពេលប្រើមុខងារឆ្លាតវៃ។ ការអាប់ដេតនេះនឹងជួយឱ្យម៉ាស៊ីនដើរស្រួល និងមានសុវត្ថិភាពជាងមុន។
ម៉ូឌែលដែលត្រូវអាប់ឌេត៖
- iPhone 17 Series
- iPhone 16 Series
- iPhone 15 Series
- iPhone 14 Series
- iPhone 13 Series
- iPhone 12 Series
- iPhone 11 Series
- iPhone SE (ជំនាន់ទី ២ និងទី ៣)។
គូសបញ្ជាក់ផងដែរថា ប្រសិនបើអ្នកឃើញសេចក្តីព្រមាននេះ វាពុំមែនជាការបង្ខំឱ្យប្តូរទូរសព្ទថ្មីទេ ប៉ុន្តែគឺជាការដាស់តឿនឱ្យការពារខ្លួន ពីហានិភ័យលើអ៊ីនធឺណិត។
- របៀបកអាប់ឌេតចូលទៅ Settings > General > Software Update
ពិនិត្យមើលទំហំ File និងការពិពណ៌នា (Release Notes) - ដំឡើងវានៅពេលយប់ ឬពេលមាន Wi-Fi ស្ថិរភាព។
