ថ្មីៗនេះ យោងតាមគេហទំព័រ eletrive.com បានឲ្យដឹងកាលពីថ្ងៃទី ១៩ ខែមេសា ឆ្នាំ២០២៣ ថា Toyota បានបង្ហាញនូវឡានអគ្គិសនីថ្មី ចំនួន ២ម៉ូដែល នៅក្នុងការតាំងពិព៌រណ៍ Shanghai auto show នៅប្រទេសចិន។ សម្រាប់ឡានអគ្គិសនីទាំងពីរម៉ូដែលនេះ នៅជាឡាន Concept នៅឡើយទេ ប៉ុន្តែខាង Toyota បានបញ្ជាក់ថា នឹងចេញលក់នៅឆ្នាំ២០២៤ សម្រាប់ទីផ្សារប្រទេសចិន។
ប្រភពដដែលបានឲ្យដឹងទៀតថា ឡានអគ្គិសនីទាំង ២ម៉ូដែលនោះ គឺស្ថិតក្នុងត្រកូលរបស់ bZ ដែលមកពីពាក្យពេញថា beyond Zero ។ ហើយគំរូឡានទាំងពីរនោះ រួមមាន BZ Sport Crossover និង BZ Compact SUV ដោយមានការឌីហ្សាញបែបរលោងៗ លាយបញ្ចូលការរចនាបែបឡាន Coupe ។
គួរជំរាបផងដែរ ឡានអគ្គិសនីថ្មីចំនួន 2ម៉ូដែលនេះ គឺស្ថិតក្នុងចំណោមឡានទាំង 10 ដែលក្រុមហ៊ុន Toyota បានប្រកាសអំពីផែនការក្នុងការបង្ហាញនៅឆ្នាំ 2026 មុនពេលរថយន្ត Toyota និង Lexus អគ្គិសនីជំនាន់ក្រោយនៅលើការជំរុញថ្មីទាំងអស់ចាប់ពីថ្ងៃប្រកាសនោះមក៕
អត្ថបទដោយ៖ ព្រឹម ភក្តី
