​មិន​គួរ​ឲ្យ​ជឿ​​​​​​ ឡាន​អគ្គិសនី Toyota​​ bZ3 ទទួលបាន​ការ​គាំទ្រ​យ៉ាងខ្លាំងពី​សំណាក់​ប្រជាជន​​ចិន​​ ដោយ​គ្រាន់​តែ​ដាក់​លក់ភ្លាម​​ ​​​​​​​​​​​​​​​​​ចំនួន​​​អ្នក​​បញ្ជារ​ទិញ​​កើន​ឡើង​ដល់​ទៅ​ ៥០០០គ្រឿង​ឯណោះ​ ​​​​។​​ ​នេះបើ​យោងតាម​​​​​​​ប្រភពពី​​ Faw-Toyota ដែល​ជាក្រុមហ៊ុន​​​បណ្តាក់​ទុន​រួម​គ្នា​ជាមួយ​នឹងក្រុម​ហ៊ុន​ Toyota នៅ​ប្រទេស​ចិន​​។​

 ​​​ប្រភព​ដដែល​បាន​ឲ្យ​ដឹង​ថា​ bZ3 ជា​​ប្រភេទ​​ឡាន​​ Sedan ដំបូង​គេ​របស់​ក្រុម​ហ៊ុន​ Toyota ​​​​​​​​​​​​​​​​​​ដែលត្រូវ​ជា​​​ប្អូន​​​​​​​​​​​​​​​​​​របស់​ bZ4X ​ជាឡាន​​ប្រភេទ SUV ។​​​​ ​ឡាននេះត្រូវបាន​គេ​ដឹងថា​ ​ផលិត​​នៅ​ប្រទេស​ចិន​ និង​​​ត្រូវ​បាន​​​បំពាក់​នូវបច្ចេកវិទ្យា​​អាគុយ (LFP Blade battery) ​​របស់​ក្រុម​ហ៊ុន​ BYD ទៀត​ផង​​ ​ដោយ​អាចសាក​ថ្ម​​ម្តង​រត់​បាន​ចម្ងាយ​​​​ដល់​ទៅ​ 616Km ​​​​។​​​​​​

ជាមួយ​​គ្នានេះ​​​​ផងដែរ​ ​Toyota bZ3 ជម្រើស​ ៣ ដែល​​​ត្រូវបាន​​​ចេញ​លក់​​​​នៅ​លើ​ទី​ផ្សារបរទេស​​​​​ ​រួម​មាន​៖

​Toyota bZ3 Elite PRO ​មានរយ​:ចម្ងាយ​​​រត់​​​​​​ 517Km តម្លៃ​​ $24,680​

​​​​​Toyota bZ3 Longe-rang Pro ​មានរយ​:ចម្ងាយ​​​រត់​​​​​​ 616Km តម្លៃ​​ $27,587 ​

​Toyota bZ3 Longe-rang Premium ​មានរយ​:ចម្ងាយ​​​រត់​​​​​​ 616Km តម្លៃ​​ $29,041

​គូសបញ្ជាក់​ផងដែរ​​ថា​ ​​​​​​​​​​​កម្លាំងម៉ូទ័រ​អគ្គិសនី​​​របស់​ Toyota bZ3 មាន​ពីរជម្រើស​​ ​គឺ​ 135Kw និង​ 180Kw ដែល​​​​​​​​​ប្រភេទ​កម្លាំង​ទាំង ២នេះ​មាន​កម្លាំង​រមួ​ល​ដូចគ្នា​ 303Nm ​​ហើយ​សម្រាប់​​​​កញ្ចប់​ថ្ម​វិញ​​ក៏មាន​​ ២​​​ប្រភេទ​ផងដែរ​ គឺ 49.9 KWh ដែល​​អាចគាំទ្រ​នឹង​​​ការរត់​ចម្ងាយ​​​​បាន​ 517Km និង 65.3 KWh ដែល​​អាចគាំទ្រ​នឹង​​​ការរត់​ចម្ងាយ​​​​បាន​ 616Km​។​ ​រី​ឯ​ការ​​សាក​ថ្ម​​​​​​​​​​​​​​​​​​​​​​​​ល្បឿន​ ​bZ3 អាច​​សាក​ពី​ 30% ទៅ​ 80% ចាយ​ពេល​​​​​​តែ​ ២៧នាទី​​តែប៉ុណ្ណោះ​​ ៕

​អត្ថបទដោយ​៖ ព្រឹម​ ភក្តី​