ចេញរូបរាងមកហើយ គំរូឡានអនាគតរបស់ក្រុមហ៊ុន Toyota ដែលមានឈ្មោះថា Toyota Boshoku ។ ឡាននេះរាងដូចប្រអប់ ដែលអាចបត់ប៉ែនបានគ្រប់ស្ថានដូចទៅនឹងខនដូ ដែលមានផ្សារទំនើបអ៊ីចឹង ដូចជាហាងលក់ខៅអាវ ស្បែកជើង កន្លែងមើលកុន អាហារដ្ឋាន ឬបន្ទប់ប្រជុំ ឬជាកន្លែងប្រឹក្សាយោបល់អំពីគ្រូពេទ្យជាដើម ។
បើយោងតាមការចេញផ្សាយពីគេហទំព័រ Carscoops បានឲ្យដឹងថា ការបង្ហាញនូវឡានសម័យទំនើប របស់ toyota នេះវាពិតជាអស្ចារ្យខ្លាំងមែនទែន ដូចជាម៉ូដែលដំបូង Moox Concept ដែលត្រូវបានបំពាក់នូវមុខងារបើកបរស្វ័យប្រវត្តិ កម្រិត ៥ អាចបើកបរដោយស្វ័យបានដោយមិនចាំបាច់មានតៃកុងឡើយ ហើយម៉ូដែលនេះដែរ ត្រូវបានតុបតែងជាលក្ខណ:ឡានអាជីវកម្ម ដែលមានរូបស្ថានខុសគ្នាៗ ដូចជាការតុបតែងជាហាងអាហារដ្ឋាន ហាងលក់ស្បែកជើង ខោអាវ ឬជាបន្ទប់ប្រជុំការងារ ឬអាចជាកន្លែងកំសាន្ត ទស្សន:រឿងកុន ។
ដំណើរការឡាននេះ គឺធ្វើការរត់ពេញទីក្រុងដែលគេបានកំណត់ វាប្រៀបបានទៅនឹងតាក់ស៊ីបើកបរដោយស្វ័យប្រវត្តិអ៊ីចឹងដែរ ប៉ុន្តែវាប្លែកបន្តិច យើងអាចជ្រើសរើសនូវតាក់ស៊ីដូចជាប្រភេទ ហាងលក់ចំណីអាហារ ឬបន្ទប់ទូលាយ ទៅតាមតម្រូវការបានតាមចិត្តចង់ និយាយគំរូឡានអនាគតរបស់ Toyota គឺពិតជាអស្ចារ្យខ្លាំងមែនទែន។
មួយវិញទៀត នៅមានម៉ូដែលមួយផ្សេងទៀតជាប្រភេទឡានដែលមានតៃកុងបើក ដែលមានឈ្មោះថា MX221 តែវាត្រូវបានបំពាក់មុខងារបើកបរស្វ័យប្រវត្តិតែកម្រិត ៤ ទេ ប៉ុន្តែលក្ខណ:ពិសេសរបស់ឡាននេះ ត្រូវបានឌីហ្សាញមកដើម្បីបំពេញតម្រូវការសម្រាប់អ្នកចង់ជិះតាក់ស៊ីបែបឯកជន និងមានសុវត្ថិភាពខ្ពស់ ។
ចំពោះការ តុបតែងផ្នែកខាងក្នុង គឺមានភាពប្រណិត និងបំពាក់គ្រឿងបច្ចេកវិទ្យាជាច្រើន រួមទាំងបច្ចេកវិទ្យាអនាគត ដែលមិនទាន់មានប្រើ នៅបច្ចុប្បន្ននេះ។
ដូច្នេះ អ្នកទាំងអស់គ្នាគិតយ៉ាងណាដែរចំពោះគំរូឡានអនាគតរបស់ Toyota គិតថាវាអាចនឹងផលិតឲ្យដំណើរការបាននៅពេលណាដែរ ៕
អត្ថបទដោយ៖ ព្រឹម ភក្តី
