យោងតាមការចុះផ្សាយរបស់ភ្នាក់ងារសារព័ត៌មាន Forbes នៅសហរដ្ឋអាមេរិក បានឱ្យដឹងថា នៅក្នុងឆ្នាំ២០២៤ ការលេចធ្លាយនូវទិន្នន័យ និងពាក្យសម្ងាត់ របស់អ្នកប្រើប្រាស់អ៊ិនធឺណិតនៅជុំវិញពិភពលោក បានកើនឡើងប្រមាណ 43% បើធៀបនឹងឆ្នាំ២០២៣។
ប្រភពដដែលបានឱ្យដឹងទៀតថា មានពាក្យសម្ងាត់ដែលត្រូវបានលួចចំនួន 19 ពាន់លាន ត្រូវបានបង្ហោះលក់ឬចែកចាយលើបណ្ដាញងងឹត ក្នុងចំណោមនោះ មាន 2.9 ពាន់លានជាពាក្យសម្ងាត់ផ្ទាល់ខ្លួន (unique passwords) និង មានកាតឥណពន្ធ (credit cards) រហូតទៅដល់ចំនួន 14.5លានកាត ក៏ត្រូវបានដាក់លក់ ខណៈក្នុងចំណោមនោះ 80.7% ជាកាតពីសហរដ្ឋអាមេរិក។
មូលហេតុសំខាន់បំផុតនៅពីក្រោយការកើនឡើង នៃការបែកធ្លាយនូវទិន្នន័យ និងពាក្យសម្ងាត់ផ្សេងៗ គឺបណ្ដាលមកពី ការកើនឡើងនៃកម្មវិធីលួចព័ត៌មាន (infostealer malware)៕
