ទី១-កម្មវិធី VPN មិនស្គាល់ប្រភព៖ ឧទាហរណ៍ដូចជា SuperVPN, Snap VPN, TurboVPN ដែលធ្លាប់ត្រូវបានគេលុបចេញពី Play Store និង App Store ព្រោះតែ វាបានលួចទិន្នន័យរបស់អ្នកប្រើប្រាស់។

ទី២-កម្មវិធី ដែលអះអាងថាធ្វើឱ្យទូរស័ព្ទដើរលឿន (Phone Booster | RAM Cleaner)៖ឧទាហរណ៍ដូចជា Super Clean, Speed Booster, DU Speed Booster ដែលធ្លាប់ត្រូវបានគេលុបចេញពី Play Store និង App Store ព្រោះតែវាមានផ្សាយពាណិជ្ជកម្មខុសច្បាប់ ព្រមតាំងភ្ជាប់ជាមួយ Malware។

ទី៣-កម្មវិធី បម្លែងសំឡេង ដែលគ្មានប្រភពច្បាស់លាស់៖ ឧទាហរណ៍ដូចជា Voice changer with effects (ពីអ្នកអភិវឌ្ឍន៍មិនស្គាល់) ដែលមានបង្កប់នូវការអនុញ្ញាតឱ្យចូលគ្រប់គ្រង microphone និង camera ឬរូបភាពនៅក្នុង device ឬទូរស័ព្ទរបស់អ្នកប្រើប្រាស់។

ទី៤-កម្មវិធី កាមេរ៉ា ឬកែរូបភាព បែបចម្លង៖ ឧទាហរណ៍ដូចជា Beauty Camera Plus ដែលធ្លាប់ត្រូវបានគេលុបចេញពី Play Store និង App Store ព្រោះតែ វាអាចឱ្យគេចូលលួច Access ទិន្នន័យរូបភាព។

ទី៥-កម្មវិធី អំពីការវិនិយោគ៖ ឧទាហរណ៍ដូចជា កម្មវិធីចម្លងតម្លៃហ៊ុន/Trading App ដែលទាមទារឱ្យមានការបំពេញព័ត៌មានច្រើនខ្លាំងដើម្បីអាចប្រើប្រាស់បាន ជាហេតុឱ្យគេងាយលួចទិន្នន័យរបស់អ្នកប្រើប្រាស់។

គួរជម្រាបផងដែរថា បើទោះបីជាកម្មវិធីដែលស្ថិតក្នុងប្រភេទដែលបានលើកឡើងខាងលើ សុទ្ធសឹងតែត្រូវបានសម្អាតជាប្រចាំចេញពី Play Store និង App Store ក៏ពិតមែនក្ដី ក៏ប៉ុន្តែវានៅតែអាចកើតមានជាបន្តបន្ទាប់ ព្រោះក្រុមហ៊ុន Google និង Apple សុទ្ធសឹងតែបញ្ជាក់ថានឹងមានការបន្តតាមដានជាប្រចាំ។ ហេតុនេះហើយសូមបង្កើនការប្រុងប្រយ័ត្នចំពោះការទាញយកនូវកម្មវិធីមួយចំនួនដែលមិនច្បាស់ពីប្រភព ព្រោះវាអាចនាំឱ្យមានហានិភ័យចំពោះសុវត្ថិភាពព័ត៌មានរបស់លោកអ្នក៕