ម៉ាស៊ីន V8 ទំហំ 5.5 លីត្រ ដោយប្រើប្រព័ន្ធ Twin-Turbo Flat-Plane Crank កម្លាំង 1064 HP, ដែលជាកម្លាំងខ្ពស់បំផុតក្នុងប្រវត្តិសាស្ត្រ Corvette ZR វាក៏ផលិតកម្លាំងរមួលបានប្រមាណ 1152 Nm, ធ្វើឲ្យរថយន្តមានសមត្ថសន្ទុះបានយ៉ាងលឿន។
វាក៏បានប្រើប្រព័ន្ធប្រអប់លេខស្វ័យប្រវត្តិ Dual-Clutch 8 វគ្គ សមត្ថភាពសន្ទុះពី 0-100 Km/h ចាយពេលតិចជាង 2.5 វិនាទី និងអាចឆ្លងកាត់ល្បឿនខ្ពស់ជាង 354 km/h។

Chevrolet Corvette ZR1 ជាមួយនឹងការរចនាបន្ថែមទម្រង់អេរ៉ូឌីណាមិចដូចជា Splitter ខាងមុខដ៏ធំ ផ្នែកជំហៀងមានរន្ធខ្យល់ធំនៅក្រគៀកផ្នែកខាងក្រោយ និងស្លាបខាងក្រោយដ៏ធំ ដើម្បីបង្កើនអនុភាណនៃការចុះសម្ពាធខ្យល់ ផ្នែកខាងមុខក៏ប្រើប្រព័ន្ធខ្យល់ដ៏ល្អ និងប្រព័ន្ធធ្វើត្រជាក់ដើម្បីរក្សាសមត្ថភាពនៃម៉ាស៊ីន។ វាក៏បានប្រើសំភារៈ Carbon Fiber ដើម្បីធ្វើឲ្យទម្ងន់ស្រាល និងបង្កើនល្បឿន។

ផ្នែកខាងក្នុងប្រើសំភារៈប្រណីត ដូចជាស្បែក Alcantara និង Carbon Fiber ដោយផ្តោតសំខាន់លើអ្នកបើកបរ វាក៏បានផ្ចាប់មកជាមួយនិងអេក្រង់ Digital ប្រភេទ High-Resolution ដែលរួមបញ្ចូល Apple CarPlay និង Android Auto កៅអីបែប Bucket Seats ដែលមានសុវត្ថិភាពខ្ពស់ សម្រាប់ការបើកបរល្បឿនលឿន។

ប្រើប្រព័ន្ធជើងក្រោមក៏ប្រើជាមួយនិង Adaptive Magnetic Ride Control 4.0 ដើម្បីធានាការគ្រប់គ្រងរថយន្តដ៏ច្បាស់លាស់មិនធ្វើអោយមានការងាករេ សម្រាប់ដុំហ្វាំងក៏ប្រើជាមួយនិង Carbon-Ceramic Brakes ផ្តល់ការបញ្ឈប់ដ៏មានប្រសិទ្ធភាព និងសំបកកង់ Michelin Pilot Sport Cup 2 សម្រាប់ការចាប់ភ្លៅនៅពេលធ្វើដំណើរល្អបំផុត។

តម្លៃប្រហែល $150,000 ដែលជាតម្លៃសមរម្យចំពោះរថយន្តមានកម្លាំងលើស 1,000 HP គូប្រកួតប្រជែងរបស់វាគឺជាមួយ Porsche 911 GT2 RS, Lamborghini Huracán STO, និង Ferrari 296 GTB ។ Chevrolet Corvette ZR1 ឆ្នាំ 2025 បង្ហាញអំពីការរួមបញ្ចូលកម្លាំងខ្ពស់ រូបរាងដ៏ឆើតឆាយ បច្ចេកវិទ្យាខ្ពស់ និងសមត្ថភាពផ្តោតសំខាន់លើអ្នកបើកបរ ជាមួយនឹងកម្លាំង 1064 HP វាជាការជ្រើសរើសដ៏ល្អសម្រាប់អ្នកចង់បានរថយន្ត SuperCar។