កាលពីពេលថ្មីៗនេះ បុរសម្នាក់បានសុខចិត្តវះដៃខ្លួនឯង ដើម្បីដាក់នូវបន្ទះឈីប ជំនួសឲ្យកាត Tesla ទុកសម្រាប់ បញ្ជាទ្វាឡាន Tesla Model 3 របស់គាត់ Unlock ដោយគ្រាន់យកដៃទៅប៉ះចំនឹង Sensor ជាប់នឹងទ្វាឡាននោះ ។
បើយោងគេហទំព័រ Businessinsider បានឲ្យដឹងថា បុរសម្នាក់ឈ្មោះថា Brandon Dalaly បានបង្ហោះវិដេអូទៅកាន់បណ្ដាញសង្គម Twitter និង Youtube ដោយបានបង្ហាញអំពីការវះស្បែកដៃដាក់បន្ទះឈីប សម្រាប់បើកទ្វាឡាន Tesla របស់គាត់។ បន្ទះឈីបនោះត្រូវបានគេហៅថា VivoKey Apex ហើយវាមិនមានភាពចម្លងចរន្តអគ្គិសនីឡើយ ប៉ុន្តែបន្ទះឈីបនេះវាមានភាពស្រដៀងទៅនឹង Near Field Communication (NFC) ដែលធ្វើការរួមជាមួយនឹង Apple pay ផងដែរ ។
@elonmusk
— Brandon Dalaly (@BrandonDalaly) August 16, 2022
Finally decided to take my phone key issues in to my own hands... literally. Tesla key chip implant. pic.twitter.com/RVK8ZaePoI
លោក Brandon Dalaly បាននិយាយថា បន្ទះឈីបដែលលោកបានពាក់ជាប់នឹងដៃខាងស្តាំនេះ គឺមានតម្លៃ ៤០០ដុល្លារ មានសមត្ថភាពអាចបញ្ជាឧបករណ៍ផ្សេងៗ ដូចទៅនឹងកាតរបស់ Tesla ផងដែរ ។
ទន្ទឹមនឹងនេះ លោកក៏បានបន្តទៀតថា មិនត្រឹមតែដៃខាងស្តាំទេ ដែលមានបន្ទះឈីបនេះ សូម្បីតែដៃខាងឆ្វេងរបស់គាត់ក៏បានដាក់បន្ទះឈីប សម្រាប់បើកទ្វាផ្ទះផងដែរសម្រាប់សុខសុវត្ថិភាពផ្ទះព្រមទាំងជួយការពារពីចោរលួចចូលប្លន់។ ដូច្នេះដៃខាងឆ្វេងរបស់គាត់សម្រាប់ចាក់ទ្វាផ្ទះ រីឯដៃខាងស្តាំទុកសម្រាប់បើកទ្វាឡាន ។
ម្យ៉ាងទៀតនៅពេលវិដេអូដែលគាត់ផុសចេញទៅ មានមនុស្សជាច្រើនព្រួយបារម្ភសុវត្ថិភាពនៅពេលដែលត្រូវបានដាក់បន្ទះឈីបនេះរយ:ពេលយូរខ្លាចប៉ះពាល់ដល់សុខភាព។ ចុះអ្នកវិញយល់យ៉ាងណាដែរសម្រាប់ការដាក់បន្ទះឈីបក្នុងដៃ គិតថាថ្ងៃអនាគត រាល់ឧបករណ៍ទាំងអស់អាចដាក់ Sensor ដោះសោដូចទៅរថយន្តអគ្គិសនី Tesla ដែរឬយ៉ាងណា អាចបញ្ចេញមតិបន្តិចមក ៕
អត្ថបទដោយ៖ ព្រឹម ភក្តី
