ដូច្នេះអស់បារម្មណ៍រឿងឆបោកតាមអនឡាញ និងមានបញ្ហាអាខោនតទៀតខណៈពេលនេះ Telegram Update មុខងារថ្មីដើម្បីការពារសុវត្ថិភាពដល់អ្នកប្រើប្រាស់។ 

ទាំងនេះជាមុខងារថ្មី៖ រាល់ពេលអ្នកទាំងអស់គ្នាទទួលបានសារពីជនប្លែកមុខណាម្នាក់ដែលអ្នកទាំងអស់គ្នាមិនស្គាល់ ឬមិនមានក្នុង Contact នោះ Telegram នឹងបង្ហាញប្រាប់ពីពត៌មានលម្អិតដូចខាងក្រោម:
•    ពេលមាននរណាឆាតមកអ្នកទាំងអស់គ្នា វានឹងបញ្ចាក់ថាមាន Contact ជាមួយគ្នា ឬអត់ 
•    ការបង្ហាញជាលេខទូរស័ព្ទ ឬ Not Contact 
•    ការបង្ហាញជាទីតាំងប្រទេស ឧទាហរណ៍:  Cambodia, USA, Italy, Russia, Thailand...
•    បញ្ជាក់ពីខែ និង ឆ្នាំពីជននោះបានចុះឈ្មោះប្រើប្រាស់គណនី 
•    ការបង្ហាញថាគណនីនោះជាគណនីផ្លូវការ ឬ គណនីមិនផ្លូវការ 
•    ការបង្ហាញថាគណនីនោះមាន ឬមិនមាននៅក្នុង Group Chat ណាមួយ

គូសបញ្ជាក់ថា ចំណុចទាំងអស់នេះអ្នកទាំងអស់គ្នានឹងអាចធ្វើការវាយតម្លៃបានមួយចំនួនថាជា Scammer ឬអត់ ប៉ុន្តែត្រូវចាំថាវាគ្រាន់តែជាមួយផ្នែកទេដែលជួយដល់អ្នកប្រើប្រាស់ Telegram ជួនកាល Scammer ក៏អាចនឹងចាយលុយ ឬប្រើប្រាស់គណនីដែលមានអាយុកាលយូរ ឬគណនីលួចពីអ្នកដទៃក៏ថាបានដែរ។ ដូច្នេះសូមធ្វើការផ្ទៀងផ្ទាត់បន្ថែមទៀតមុនចុចលើតំណលីងណាមួយ ឬឆាតជាមួយនរណាម្នាក់ សូមប្រើតាមយុទ្ធសាស្រ្តរបស់ខ្លួនបន្ថែមដើម្បីការពារសុវត្ថិភាពខ្លួនពីការឆបោកទាំងនោះ។ 

អត្ថបទដោយ៖ ងួន ឃុនណា