យោងតាមសេចក្ដីប្រកាសផ្លូវការនៅលើទំព័ររបស់ក្រសួងអប់រំផងនោះ បានឱ្យដឹងថាការប្រកួតនេះ ក្រុមនិស្សិតមកពីវិទ្យាស្ថានបច្ចេកវិទ្យាកម្ពុជា បានបង្កើតឧបករណ៍វាស់ទឹកភ្លៀងហៅថា “Spinning Bucket Rain Gauge” ដែលគំនិត និង វិធីសាស្ត្រនេះទាញចេញពីចលនារហាត់ទឹកខ្មែរពីបុរាណ។

ប្រភពដដែលបានបន្តឱ្យដឹងទៀតថា ទិន្នន័យដែលទទួលបានពីការវាស់ទឹកភ្លៀងដោយស្វ័យប្រវត្តិនេះត្រូវបានបញ្ចូនទៅកាន់ឧបករណ៍ទទួលពីចម្ងាយ។ ក្រោយឆ្លងកាត់ការវិនិច្ឆ័យពីគណៈកម្មការជំនាញ និង ក្រុមហ៊ុនបច្ចេកវិទ្យាបរទេសពីររួចមក ឧបករណ៍វាស់ទឹកភ្លៀងរបស់ក្រុមនិស្សិតមកពីវិទ្យាស្ថានបច្ចេកវិទ្យាកម្ពុជាទទួលបានជ័យលាភីលេខ១ក្នុងការប្រកួតនេះ និងទទួលបានពានរង្វាន់ មេដាយ និងទឹកប្រាក់ចំនួន ៥ ០០០ដុល្លារ។