“កម្មវិធីអភិវឌ្ឍន៍ជំនាញឌីជីថល (ក.អ.ជ.ឌ.)” ដែលមានឈ្មោះជាភាសាអង់គ្លេសថា Digital Skill Development Program (DSDP) ត្រូវបានបង្កើតឡើង ដើម្បីគាំទ្រដល់ដំណើរការកសាងមូលធនមនុស្សឌីជីថលឆ្លើយតបទៅនឹងតម្រូវការនៃការអភិវឌ្ឍសេដ្ឋកិច្ច សង្គម និងរដ្ឋាភិបាលឌីជីថល ក៏ដូចជាបំពេញបន្ថែមលើការអនុវត្ត “កម្មវិធីអាហារូបករណ៍ទេពកោសល្យឌីជីថលតេជោ”។

យ៉ាងណាមិញ កម្មវិធីផ្ដល់ថវិកាដោយមិនគិតការប្រាក់ (កម្ចីឥតការប្រាក់) ខាងលើនេះ ត្រូវបានអនុវត្តសម្រាប់ ជំនាញ “បច្ចេកវិទ្យាឌីជីថល”។ ក្នុងឆ្នាំសិក្សា ២០២៥-២០២៦ នេះ ក.ប.ទ. នឹងវាយតម្លៃជ្រើសរើសបេក្ខជនប្រឡងជាប់សញ្ញាបត្រមធ្យមសិក្សាទុតិយភូមិឆ្នាំសិក្សា២០២៥ ដែលមានបំណងសិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថល នៅតាមគ្រឹះស្ថានឧត្តមសិក្សាដៃគូរបស់ ក.អ.ជ.ឌ. ចំនួន ៦ ដោយភ្ជាប់មកជាមួយនូវជំនាញ លក្ខខណ្ឌ និងអត្ថប្រយោជន៍ដូចខាងក្រោម៖

ក. គ្រឹះស្ថានឧត្តមសិក្សា និងជំនាញសិក្សា

1. បណ្ឌិត្យសភាបច្ចេកវិទ្យាឌីជីថលកម្ពុជា (CADT)៖

‐ វិស្វកម្មសុសវែរ (Software Engineering)

‐ វិទ្យាសាស្ត្រទិន្នន័យ (Data Science)

‐ ពាណិជ្ជកម្មអេឡិចត្រូនិក (e-Commerce)

‐ វិស្វកម្មទូរគមនាគមន៍និងបណ្តាញ (Telecommunications and Networking Engineering)

‐ សន្តិសុខសាយប័រ (Cybersecurity)

2. សាកលវិទ្យាល័យអាមេរិកាំងភ្នំពេញ (AUPP)៖

‐ ការគ្រប់គ្រងព័ត៌មានវិទ្យា / វិទ្យាសាស្ត្រកុំព្យូទ័រ (Information Technology Management / Computer Science)

‐ បច្ចេកវិទ្យាគមនាគមន៍និងព័ត៌មាន (Information and Communication Technology)

‐ សន្តិសុខសាយប័រ (Cybersecurity)

‐ បញ្ញាសិប្បនិម្មិត (Artificial Intelligence)

‐ ហេដ្ឋារចនាសម្ព័ន្ធឌីជីថល (Digital Infrastructure)

‐ ការអភិវឌ្ឍសុសវែរ (Software Development)

‐ ការវិភាគទិន្នន័យ/ប្រព័ន្ធព័ត៌មាន (Data Analytics/Information Systems)

‐ ការអភិវឌ្ឍនិងការរចនាកម្មវិធីអន្តរកម្ម (Interactive App Design and Development)

3. សាកលវិទ្យាល័យភូមិន្ទភ្នំពេញ (RUPP)៖

‐ វិស្វកម្មទូរគមនាគមន៍ និងអេឡិចត្រូនិក (Telecommunications and Electronic Engineering)

‐ វិស្វកម្ម និងវិទ្យាសាស្រ្តទិន្ន័យ (Data Science and Engineering)

‐ ព័ត៌មានវិទ្យា (Information Technology)

‐ វិស្វកម្មបច្ចេកវិទ្យាព័ត៌មាន (Information Technology Engineering)

4. សាកលវិទ្យាល័យជាតិគ្រប់គ្រង (NUM)៖

‐ សេដ្ឋកិច្ចបច្ចេកវិទ្យាឌីជីថល (Digital Economy)

‐ បច្ចេកវិទ្យាហិរញ្ញវត្ថុ (Financial Technology)

‐ សហគ្រិនភាពសកលនិងនវានុវត្តន៍ (Global Entrepreneurship and Innovation)

5. វិទ្យាស្ថានបច្ចេកវិទ្យាកម្ពុជា (ITC)៖

‐ វិស្វកម្មសុសវែរ (Software Engineering)

‐ វិស្វកម្មបញ្ញាសិប្បនិម្មិត និងសន្តិសុខសាយប័រ (AI Engineering and Cybersecurity)

6. សាកលវិទ្យាល័យអន្តរជាតិផារ៉ាហ្គន (Paragon.U)៖

‐ វិទ្យាសាស្ត្រកុំព្យូទ័រ (Computer Science)

‐ គ្រប់គ្រងប្រព័ន្ធព័ត៌មាន (Management of Information Systems)

‐ រចនាប្លង់ និងប្រព័ន្ធផ្សព្វផ្សាយ (Digital Arts and Design)។

ខ. អត្ថប្រយោជន៍

 បេក្ខជនជ័យលាភីនៃ ក.អ.ជ.ឌ. នឹងទទួលបានអត្ថប្រយោជន៍ ដូចខាងក្រោម៖

‐ ថវិកាបង់ថ្លៃសិក្សារហូតដល់ចប់ថ្នាក់បរិញ្ញាបត្រ ដោយមិនគិតការប្រាក់ (មិនមែនជាអាហារូបករណ៍)

‐ ថវិកាសម្រាប់ទិញកុំព្យូទ័រយួរដៃ ១ គ្រឿង (ប្រសិនបើមានតម្រូវការ)

‐ ថវិកាសម្រាប់បង់ថ្លៃជួលកន្លែងស្នាក់នៅ (ប្រសិនបើមានតម្រូវការ)

‐ ការប្រឹក្សាយោបល់អំពីការសិក្សា ការស្នាក់នៅ និងការអភិវឌ្ឍអាជីព

‐ ឱកាសការងារល្អ និងប្រាក់បៀវត្សខ្ពស់ក្នុងវិស័យសាធារណៈនិងឯកជន និង

‐ អត្ថប្រយោជន៍ផ្សេងទៀត ដែលទទួលបានតាមរយៈគ្រឹះស្ថានឧត្តមសិក្សានីមួយៗ។

គ. លក្ខខណ្ឌនៃការជ្រើសរើស

 បេក្ខជនត្រូវគោរពតាមលក្ខខណ្ឌ ដូចខាងក្រោម៖

‐ មានសញ្ជាតិខ្មែរ

‐ ជាសិស្សដែលប្រឡងជាប់សញ្ញាបត្រមធ្យមសិក្សាទុតិយភូមិឆ្នាំសិក្សា២០២៥ មាននិទ្ទេសរួម A B ឬ C

‐ ជាបេក្ខជនដែលបានបំពេញគ្រប់លក្ខខណ្ឌនៃការចុះឈ្មោះចូលរៀន នៅតាមគ្រឹះស្ថានឧត្ដមសិក្សាដៃគូទាំង ៦

‐ ឆ្លងកាត់ការវាយតម្លៃ (ជាការសម្ភាសន៍ ឬការធ្វើតេស្តសមត្ថភាព) ដោយលេខាធិការដ្ឋាននៃ ក.អ.ជ.ឌ.

‐ ចុះកិច្ចសន្យាជាមួយលេខាធិការដ្ឋាននៃ ក.អ.ជ.ឌ. បន្ទាប់ពីត្រូវបានជ្រើសរើស

‐ សិស្សដែលមានជីវភាពក្រីក្រ មកពីជនបទដាច់ស្រយាល ជនមានពិការភាព ឬសិស្សនារី ត្រូវបានលើកទឹកចិត្ត។

ឃ. សំណុំលិខិតចុះឈ្មោះស្នើសុំ

បេក្ខជនត្រូវបំពេញពាក្យស្នើសុំតាមប្រព័ន្ធអនឡាញ (Online Application) ដោយត្រូវស្កេនភ្ជាប់ឯកសារយោងរួមមាន៖

‐ រូបថតទំហំ 4x6

‐ សញ្ញាបត្រមធ្យមសិក្សាទុតិយភូមិ ឬវិញ្ញាបនបត្របណ្តោះអាសន្នមធ្យមសិក្សាទុតិយភូមិ ឬលទ្ធផលប្រឡងសញ្ញាបត្រមធ្យមសិក្សាទុតិយភូមិផ្លូវការ

‐ អត្តសញ្ញាណប័ណ្ណ ឬលិខិតឆ្លងដែន ឬសំបុត្រកំណើត

ក្នុងករណីបេក្ខជនត្រូវបានវាយតម្លៃជ្រើសរើសដើម្បីទទួលបានថវិកាសិក្សាដោយមិនគិតការប្រាក់ បេក្ខជនត្រូវប្រគល់ឯកសារថតចម្លងដោយមានបញ្ជាក់ពីអាជ្ញាធរមានសមត្ថកិច្ច ឬឯកសារថតចម្លងដែលមានភ្ជាប់ QR Code ស្តង់ដាដែលអាចផ្ទៀងផ្ទាត់បានតាមថ្នាល verify.gov.kh របស់រាជរដ្ឋាភិបាល ជាអាទិ៍៖

‐ សញ្ញាបត្រមធ្យមសិក្សាទុតិយភូមិ ឬវិញ្ញាបនបត្របណ្តោះអាសន្នមធ្យមសិក្សាទុតិយភូមិ ឬលទ្ធផលប្រឡងសញ្ញាបត្រមធ្យមសិក្សាទុតិយភូមិផ្លូវការ

‐ អត្តសញ្ញាណប័ណ្ណ ឬលិខិតឆ្លងដែន ឬសំបុត្រកំណើត

‐ សៀវភៅគ្រួសារ ឬសៀវភៅស្នាក់នៅ

‐ ឯកសារសហព័ទ្ធ (ប្រសិនជាមាន) និង

‐ អត្តសញ្ញាណប័ណ្ណ ឪពុក ម្តាយ ឬអាណាព្យាបាល។

ង. កាលបរិច្ឆេទ និងការទទួលពាក្យ

‐ បេក្ខជនត្រូវបំពេញពាក្យស្នើសុំតាមប្រព័ន្ធអនឡាញតាមរយៈតំណភ្ជាប់ https://go.gov.kh/mptc/dsdp-registration

‐ កាលបរិច្ឆេទទទួលពាក្យគិតចាប់ពីថ្ងៃជូនដំណឹងនេះរហូតដល់ ថ្ងៃទី១ ខែវិច្ឆិកា ឆ្នាំ២០២៥

‐ សម្រាប់ព័ត៌មានបន្ថែម សូមទាក់ទងតាមទូរសព្ទលេខ ១២៣។

គួរជម្រាបផងដែរថា ប្រសិនបើលោកអ្នកនៅមិនទាន់យល់ច្បាស់អំពីការជ្រើរើសជំនាញ ចង់ស្វែងយល់បន្ថែមពីជំនាញនីមួយៗដែលបានលើកឡើងខាងលើ សូមធ្វើការទំនាក់ទំនងទៅកាន់សាលា ដែលលោកអ្នកពេញចិត្ត ដើម្បីសួរព័ត៌មានលម្អិតបន្ថែម តាមរយៈទំនាក់ទំនងខាងក្រោម៖

1. បណ្ឌិត្យសភាបច្ចេកវិទ្យាឌីជីថលកម្ពុជា (CADT)៖ តាមរយៈផេកផ្លូវការ Cambodia Academy of Digital Technology - CADT

2. សាកលវិទ្យាល័យអាមេរិកាំងភ្នំពេញ (AUPP)៖ តាមរយៈផេកផ្លូវការ American University of Phnom Penh

3. សាកលវិទ្យាល័យភូមិន្ទភ្នំពេញ (RUPP)៖ តាមរយៈផេកផ្លូវការ RUPP - Royal University of Phnom Penh

4. សាកលវិទ្យាល័យជាតិគ្រប់គ្រង (NUM)៖ តាមរយៈផេកផ្លូវការ National University of Management

5. វិទ្យាស្ថានបច្ចេកវិទ្យាកម្ពុជា (ITC)៖ តាមរយៈផេកផ្លូវការ Institute of Technology of Cambodia - សាលាតិចណូ

6. សាកលវិទ្យាល័យអន្តរជាតិផារ៉ាហ្គន (Paragon.U)៖ តាមរយៈផេកផ្លូវការ Paragon International University ៕