Electreon គឺជាក្រុមហ៊ុន Start-up ដែលបានសិក្សារលើបច្ចេកវិទ្យាសាកថ្មឥតខ្សែ (Wireless Charing Technology) ហើយក៏បានយកបច្ចេកវិទ្យានេះទៅដាក់តេស្តលើរថយន្តប្រើម៉ាស៊ីនសាំងកូនកាត់អគ្គិសនី Toyota RAV4 PHEV ដោយគេបានធ្វើការឲ្យរថយន្តនេះ ធ្វើដំណើររយ:ពេល ១០០ម៉ោង បើកវិលជុំកន្លែងដដែល ជាលិទ្ធផលគេឃើញថា RAV4 អាចបើកបាន ១៩២៤,៥៦គីឡូម៉ែត្រ ដោយមិនចាំបាច់ចាក់សាំង និងសាកថ្មប្រើខ្សែឡើយ។ នេះបើយោងតាមការចុះផ្សាយពី Carscoops
យោងតាមប្រភពដដែលបានឲ្យដឹងថា រថយន្ត Toyota RAV4 ម៉ូដែល Plug-in Hybrid (PHEV) ដែលមានទំហំអាគុយ 18kWh ដោយគេបានយករថយន្តនេះទៅធ្វើតេសត្តលើបច្ចេកវិទ្យសាកថ្មឥតខ្សែ ដោយប្រើពេល ១០០ម៉ោង និងមានការចូលរួមពីអ្នកជំនាញបើកបរចំនួន ៥៥នាក់ ដើម្បីផ្លាស់ប្តូរគ្នា។
Take a look at our first 24 hours from our 100-hour drive
— Electreon (@Electreon) May 22, 2023
We are well underway into our 100 hours, and we are so excited for what the week has in store. We will be posting daily updates about our progress and keep you updated with each day's events. pic.twitter.com/rQjUbA4Dyj
ជាលិទ្ធផលក្រោយការបើកតេស្ត ១០០ម៉ោង Toyota RAV4 អាចបើកបានចម្ងាយរហូតដល់ ១៩៤២,៥៦គីឡូម៉ែត្រ និងបានប្រើប្រាស់ថាមពលដល់ទៅ 241,69kWh ។
យ៉ាងណាមិញ Toyota និង DENSO កំពុងតែសហការគ្នាជាដៃគូជាមួយនឹង Electreon ហើយក្រុមហ៊ុននេះបានប្រកាសគម្រោងសាកល្បងសម្រាប់បច្ចេកវិទ្យារបស់ខ្លួននៅប្រទេសស៊ុយអែត បារាំង និងបែលហ្ស៊ីក នេះបើយោងតាមការសែត The Times of Israrl ៕
អត្ថបទ៖ ព្រឹម ភក្តី
