យោងតាមការចុះផ្សាយនៅលើ Facebook Page ផ្លូវការរបស់ ក្រសួងសាធារណការ និងដឹកជញ្ជូន ក្នុងថ្ងៃទី30 ខែមេសា ឆ្នាំ២០២៥ បានឱ្យដឹងថា លេខពិសេសផ្ទាល់ខ្លួនសម្រាប់ទោចក្រយានយន្ត (ម៉ូតូ) នឹងដាក់ដំណើរការឆាប់ៗខាងមុខនេះហើយ។
យ៉ាងណាមិញបើក្រឡេកទៅមើលកាលពីថ្ងៃទី១២ ខែកុម្ភៈ ឆ្នាំ២០២៥ ក្រសួងសាធារណការ និងដឹកជញ្ជូន ក៏ធ្លាប់បានធ្វើការស្ទង់មតិអំពីតម្លៃលេខពិសេសផ្ទាល់ខ្លួនសម្រាប់ម៉ូតូផងដែរ។ ក្រសួងបានដាក់សំណួរថា បើសិនមានលេខពិសេសផ្ទាល់ខ្លួនសម្រាប់ម៉ូតូ តើចង់ឱ្យមានតម្លៃទាបបំផុតចាប់ពីប៉ុន្មាន រហូតដល់តម្លៃខ្ពស់បំផុតប៉ុន្មាន?
ក-ចាប់ពី ២០០.០០០៛ ដល់ ៨.០០០.០០០៛
ខ-ចាប់ពី ១០០.០០០៛ ដល់ ១២.០០០.០០០៛
គ-ផ្សេងៗ។
គួរជម្រាបផងដែរថា បច្ចុប្បន្នសេវាកម្មនេះគឺមានសម្រាប់រថយន្តគ្រប់ប្រភេទ លោកអ្នកក៏អាច ចូលមើលតម្លៃ ឬទិញលេខតាមរយៈ៖ https://vehicle.mpwt.gov.kh/។ កុំភ្លេចខមិនប្រាប់ផងថាចង់ឱ្យក្រសួងកំណត់តម្លៃប៉ុន្មានចំពោះលេខពិសេសផ្ទាល់ខ្លួនសម្រាប់ម៉ូតូ៕
