អ្នកប្រើប្រាស់ទូរសព្ទដែលកំពុងជួបបញ្ហាបញ្ចូលលុយទូរសព្ទហើយចេះតែក្រុមហ៊ុនកាត់លុយមិនដឹងមូលហេតុ អាចសាកងាកមកពិនិត្យមើលលើសេវាបន្ថែម ដែលកំពុងភ្ជាប់ជាមួយលេខទូរសព្ទរបស់ខ្លួនដោយមិនដឹងខ្លួន។ ក្នុងករណីទូរសព្ទរបស់អ្នកកំពុងភ្ជាប់សេវាបន្ថែម (VAS) ដែលមិនត្រូវការប្រើ អ្នកប្រើប្រាស់អាចផ្ដាច់សេវាទាំងនោះបាន ដោយប្រើលេខកូដ *1200# ។
លេខកូដ *1200# មួយនេះ អាចប្រើប្រាស់បានជាមួយប្រព័ន្ធទូរសព្ទនៅក្នុងប្រទេសកម្ពុជា ដូចជា៖ Cellcard, Metfone, Smart និង Yes Seatel ដោយឥតគិតថ្លៃ។ ក្រៅពីការផ្ដាច់សេវាបន្ថែម អ្នកប្រើប្រាស់ក៏អាចប្រើលេខកូដរួមផ្សេងទៀត ដើម្បីគ្រប់គ្រងលើការប្រើប្រាស់សេវាទូរសព្ទប្រចាំថ្ងៃផងដែរ។
នេះជាលេខកូដសំខាន់ៗផ្សេងទៀត ដែលអ្នកប្រើប្រាស់គួរដឹង៖
- *1200# ៖ ផ្ដាច់សេវាបន្ថែម (VAS) ដែលមិនត្រូវការប្រើប្រាស់ ឬកាត់លុយមិនដឹងមុខ
- *1201# ៖ ពិនិត្យសមតុល្យទឹកប្រាក់
- *1202# ៖ ពិនិត្យអត្តសញ្ញាណអ្នកប្រើប្រាស់ស៊ីម
- *1203*លេខកូដកាតកោស# ៖ បញ្ចូលទឹកប្រាក់តាមកាតកោស
- 1204 ៖ ទាក់ទងទៅកាន់សេវាបម្រើអតិថិជនរបស់ក្រុមហ៊ុនទូរសព្ទនីមួយៗ ដោយឥតគិតថ្លៃ
- *1206# ៖ បើកដំណើរការសេវាគោចរ (Roaming) ពេលធ្វើដំណើរទៅក្រៅប្រទេស
គួរបញ្ជាក់ថា ការបាត់បង់សមតុល្យទឹកប្រាក់របស់លោកអ្នក គឺអាចមានមូលហេតុផ្សេងៗគ្នា ដូចជា ការប្រើប្រាស់សេវា ឬការភ្ជាប់សេវាបន្ថែមដែលមានតម្លៃសេវា។ ដូច្នេះ ប្រសិនបើ លោកអ្នក ប្រើលេខកូដខាងលើហើយនៅតែមានបញ្ហា គួរតែប្រញាប់ទាក់ទងទៅក្រុមហ៊ុនទូរសព្ទរបស់ខ្លួន ដើម្បីសាកសួរអំពីការកាត់ទឹកប្រាក់ និងសេវាដែលកំពុងដំណើរការលើស៊ីម។
