ពិតជាចម្លែកមែនទែន បុរស Youtuber ដែលមាន Chanel Youtube ឈ្មោះថា Mihail Litvin ជនជាតិរុស្សី ដែលបច្ចុប្បន្នមានអ្នកតាមដានទៅដល់ចំនួន 10.6 Subscribers ដោយ Channel នេះត្រូវបានគេស្គាល់ថា ជាអ្នកផលិតនូវវីដេអូប្លែកៗ អំពីឡាន ដែលមនុស្សធម្មតាៗ គិតមិនចេញ ធ្វើរួចសោះឡើយ។ Youtuber ម្នាក់នេះ បានយកឡាន Mercedes តម្លៃជាង ១៥ម៉ឺនដុល្លារ ទៅដុតកម្ទេចចោល ដើម្បីទាញអ្នកទស្សនានៅក្នុងវីដេអូរបស់គេឲ្យបានច្រើន។
យោតាមវីដេអូដែលត្រូវបានបង្ហោះកាលពី ២ឆ្នាំមុនរបស់ LITVIN បានឲ្យដឹងថា បុរសដែលជាម្ចាស់ Channel នេះបានយកឡានដ៏ទំនើបមួយគ្រឿងរបស់ក្រុមហ៊ុន Mercedes គឺម៉ូដែល GT 63 S តម្លៃខ្ទង់ប្រមាណ ១៥ម៉ឺនដុល្លារអាមេរិក យកទៅដុតកម្ទេចចោល ព្រោះតែចង់ឲ្យមានអ្នកមើលច្រើនក្នុងវីដេអូ និងចំនួនអ្នក Subcribers ឲ្យកើនឡើងកាន់តែច្រើន។ ជាលទ្ធផលកន្លងទៅ ២ឆ្នាំ វីដេអូដុតឡាននេះដែរ មានអ្នកទស្សនារហូតដល់ 33M View ឬស្មើនឹងអ្នកចូលទស្សនាជាង ៣៣លានដង ឯណោះ។
គួរបញ្ជាក់ថា មុនពេលដែល Youtuber ម្នាក់នេះ មិនទាន់់ផលិតវីដេអូដុតឡាននេះ កាលពីឆ្នាំ២០២០ រូបគេមានអ្នកតាមដាននៅក្នុងផ្លេតហ្វម Youtube ចំនួន 4.97M Subcribers ហើយបន្ទាប់ពីវីដេអូនេះបានបង្ហាញជាសាធារណ គឺមានមនុស្សជុំវិញពិភពលោកផ្អើលខ្លាំងមែនទែន ដោយសារគាត់ម្នាក់នេះ ហ៊ានដុតឡានទំនើប តម្លៃ ១៥ម៉ឺនដុល្លារចោល ប្តូរមកវិញនូវចំនួនអ្នកទស្សនា ៣៣លានដង និង ចំនួនអ្នក Subcribers។
ប៉ុន្តែអ្នកទាំងអស់គ្នាប្រាកដជាបានដឹងខ្លះៗ មកហើយអំពីការរកលុយតាម Youtube ដូច្នេះចំនួន View ឬអ្នកទស្សនា ជារបស់ដែលសំខាន់ដែលអ្នក Youtuber ជុំវិញពិភពលោកតែងតែប្រាថ្នាចង់បាន ដូចដែលវីដេអូដុតឡាននេះអញ្ចឹង។
បើតាមការគណនាពីគេហទំព័រ Tunepocket អំពីចំណូលដែលរកបានពី អ្នកមើល 33M View អាចរកលុយបានចន្លោះពីប្រមាណពី ៤ម៉ឺនដុល្លារ ទៅ ១១ម៉ឺនដុល្លារ តែប៉ុណ្ណោះ ដូច្នេះបានន័យថា វីដេអូមួយនេះមិនរួចដើមថ្លៃឡានទេ។ ក៏ប៉ុន្តែទិន្នដែលបានបង្ហាញនេះគ្រាន់តែជាការទាញទុករបស់វេបសាយខាងលើនោះទេ សម្រាប់ចំណូលដែលបានពិតប្រាកដ ទាល់តែម្ចាស់ Channel នោះទើបដឹងច្បាស់។
គួរជំរាបផងដែរ សម្រាប់មូលហេតុធំដែលជម្រុញ Litvin សម្រេចចិត្តដុតឡាននេះចោល មិនមែនដោយសារតែគាត់ចង់បាន View ច្រើនក្នុងវីដេអូរបស់ទេតែមុខនោះទេ គឺមានរឿងរ៉ាវជាច្រើននៅក្រោយខ្នង។ បើយោងតាមបទសម្ភាសន៍ពី interesting engineering ជាមួយនឹងលោក Litvin បានឲ្យដឹងថា គាត់បានជួបបញ្ហាជាច្រើនជាមួយឡាន Mercedes GT63 S របស់គាត់ ដោយឡាននេះត្រូវបានខូច ហើយគាត់យកវាទៅក្រុមហ៊ុន Mercedes ដើម្បីត្រួតពិនិត្យមើល ប៉ុន្តែគ្មានទទួលបានអ្វីមកវិញសោះ ។
ឡានរបស់ Litvin ត្រូវបានចំណាយពេលជួសជុល អស់ជាង ៤០ថ្ងៃ ដែលបញ្ហាទាំងអស់នោះកើតចេញពីប្លុក ប្រអប់លេខឡើងកម្តៅខ្លាំងពេក នេះបើយោងតាមទីភ្នាក់ងារព័ត៌មានរុស្ស៊ី AC ។ អំឡុងពេលដែលជួសជុលនោះ គាត់ក៏បានព្យាយមទាក់ទង់ទៅនឹង គណនី Instagram របស់ Marcedes ជាច្រើនដង ផ្ទុយវិញគ្មានការឆ្លើយតបអ្វីសោះឡើយ។ នៅទីបំផុត ឡានរបស់គាត់បានផ្លាស់ប្តូរគ្រឿងបន្លាស់ជាច្រើនផ្នែក ដែលជាហេតុធ្វើឲ្យការធានារបស់ឡានត្រូវបានផ្តាច់ ប៉ុន្តែឡានរបស់គាត់នៅតែមានបញ្ហាបន្តបន្ទាប់ ដែលជាហេតុធ្វើឲ្យគាត់មានគំនិត ដុតឡាននេះបង្ហោះទៅក្នុង Youtube ឲ្យហ្វេនរបស់គាត់មើល ក៏ដូចជាសម្រាប់ទុកជាកម្រឯកសារអនុស្សាវរីយ៍របស់គាត់ផងដែរ ៕
អត្ថបទ៖ ព្រឹម ភក្តី