អគ្គនាយកដ្ឋាន ក.ប.ប. ក៏បានបង្ហោះជាសាធារណៈប្រាប់ឲ្យដឹងពី ៤ ចំណុចធំៗ មុននឹងជឿអ្នកផ្សព្វផ្សាយផលិតផល ចៀសវាងចាញ់បោកគេ។

ដូច្នេះហើយ អ្នកអាចប្រើប្រាស់គន្លឹះទាំង ៤ ខាងក្រោមដើម្បីចៀសវាងការផ្សព្វផ្សាយពាណិជ្ជកម្មមិនពិត។ 

• ពិនិត្យលក្ខខណ្ខឲ្យបានម៉ត់ចត់: ប្រុងប្រយ័ត្នចំពោះតម្លៃបន្ថែម ឬការគិតប្រាក់ដោយស្វ័យប្រវត្តិ។
• ប្រៀបធៀបតម្លៃពិត និងតម្លៃផ្សព្វផ្សាយ: ហាងខ្លះបង្កើនតម្លៃដើម មុនពេលបញ្ចុះតម្លៃ។
• ប្រុងប្រយ័ត្ននឹងពាក្យទិញ ១ ថែម ១: ត្រូវពិនិត្យលក្ខខណ្ខទិញ ១ ថែម ១ ឲ្យបានច្បាស់លាស់មុខសម្រេចចិត្ត។
• ផ្ទៀងផ្ទាត់នៃប្រភពការផ្សព្វផ្សាយ: ប្រុងប្រយ័ត្ននូវការផ្សព្វផ្សាយដែលប្រើនូវបច្ចេកវិទ្យា Ai។ 

គូសបញ្ជាក់ផងដែរថា លោកអ្នកគួរតែបង្កើនការប្រុងប្រយ័ត្នខ្ពស់ និងអនុវត្តតាមគោលការណ៍សំខាន់ៗ។ ទីមួយ ត្រូវពិនិត្យផ្ទៀងផ្ទាត់ប្រភពព័ត៌មាន ឬអ្នកលក់ជានិច្ច ដោយមើលលើភាពល្បីល្បាញ យោបល់របស់អតិថិជន និងសញ្ញាបញ្ជាក់ (Verified Badge)។ ទីពីរ ជៀសវាងការចុចលើតំណភ្ជាប់ (Links) ដែលគួរឱ្យសង្ស័យ ឬការផ្តល់ជូនលឿន និងចំណេញហួសហេតុ ដែលទាមទារព័ត៌មានផ្ទាល់ខ្លួន ឬការបង់ប្រាក់មុន។ ទីបី ប្រើប្រាស់វិធីសាស្ត្រទូទាត់ប្រាក់ដែលមានសុវត្ថិភាព ដូចជាការទូទាត់នៅពេលទទួលទំនិញ (COD) ហើយកុំផ្ទេរប្រាក់ទៅគណនីឯកជនដែលមិនស្គាល់ច្បាស់លាស់។ ចុងក្រោយ ត្រូវចងចាំថា ប្រសិនបើអ្វីមួយមើលទៅដូចជាល្អហួសពីការពិត នោះវាទំនងជាការបោកប្រាស់។