ថ្មីៗនេះ ក្រុមហ៊ុន Mitsubishi ទើបបានបង្ហាញនូវម៉ូដែលរថយន្តស៊េរីថ្មីរបស់ខ្លួន គឺ Mitsubushi ASX ស៊េរីឆ្នាំ២០២៣ ដោយបានកែប្រែរូបរាងទាំងស្រុងធ្វើឲ្យមានការចាប់អារម្មណ៍ជាខ្លាំងពីសំណាក់មហាជនច្រើន តែការចាប់អារម្មណ៍នេះសុទ្ធសឹងតែជាការរិះគុណយ៉ាងចាស់ដៃពីប្រជាជននៅអឺរ៉ុបកាលពីម្សិលមិញ ទៅលើរូបរាងខាងក្រោយ គឺស្រដៀទៅ Renault Captur សឹងតែ១០០% នេះបើយោងតាមពីគេហំទ័រ Drive.com ។
ដោយឡែក ចំពោះ Renault Captur មានចង្កូតនៅខាងស្តាំ ប៉ុន្តែ Mitsubishi ASX-badged Version មានចង្កូតនៅតែខាងឆ្វេងតែប៉ុណ្ណោះ។
យ៉ាងណាមិញ ការបង្ហាញរូបរាងរបស់ Mitsubishi ASX ស៊េរីថ្មីនេះ ចេញមកគឺស្រស់ស្អាតខ្លាំង ទាំងផ្នែកមុខ និងផ្នែកខាងក្រោយសុទ្ធសឹងតែការឌីហ្សាញបែបស្ព័រ ត្រង់ចំណុចកន្លែងភ្លីឆ្នូតៗ គឺ Arrow Dynamic ដើម្បីជួយកាត់បន្ថយកម្លាំងម៉ាស៊ីនដែលប៉ះជាមួយខ្យល់។
រីឯផ្នែកខាងមុខ បាណរចនាមកថ្មីដោយគេចែកប្លុកជាម្ខាង៣ប្លុក អមជាមួយLogo Mitsubishi នៅប្រណោះកណ្ដាល និង អំពូលភ្លើង LED Headlight រាងអក្សរ C ថ្មីផងដែរ ។ចំណែលឯផ្នែកខាងក្នុងរបស់រថយន្ត Mitsubishi ASX នេះវិញ មានភិនភាគស្រដៀងទៅនឹងរថយន្ត Renault Captur ដែរគ្រាន់តែខុសត្រង់ទំហំអេក្រង់តែប៉ុណ្ណោះ ។
រថយន្តនេះ ត្រូវបានប្រើប្រាស់ជាមួយបច្ចេកវិទ្យា Plug-in Hybrid និង Hybrid EV ដោយគេបានបញ្ចូលនូវទំហំថាមពលរហូតដល់ ១0,៥គីឡូវ៉ាត់ម៉ោង ដែលអាចបើកបរបានចម្ងាយជិត ៥០គីឡូម៉ែត្រ ។
ម្យ៉ាងវិញទៀត ចំពោះម៉ូដែលនេះមានជម្រើសច្រើនទៅលើកម្លាំងម៉ាស៊ីន ដោយម៉ាស៊ីនចំណុះ ១,០លីត្រ Turbocharged ៣ស៊ីឡាំង ប្រអប់លេខដៃ ៦វគ្គ មានកម្លាំង ៦៦គីឡូវ៉ាត់ និងកម្លាំងរមូរ១៦០ញ៉ូតិនម៉ែត្រ ប៉ុន្តែបើអតិថិជនមិនពេញចិត្តអាចដំឡើងមួយកម្រិតទៀត ម៉ាស៊ីន ១,៣លីត្រ Turbo ៤ស៊ីឡាំង ប្រើជាមួយប្រព័ន្ធ mild-Hybrid និងប្រើប្រអប់លេង៧វគ្គអូតូ Dual-cluth automatic មានកម្លាំង ១១៨គីឡូវ៉ាត់ និងកម្លាំងរមូរ ២៧០ញ៉ូតិនម៉ែត្រ។
លើសពីនេះ សម្រាប់កម្រិតខ្ពស់ដាច់ជាងគេ មានបច្ចេកវិទ្យា Plug-in Hybrid ប្រើម៉ាស៊ីនចំណុះ ១,៦លីត្រ ៤ ស៊ីឡាំង ម៉ូទ័រអគ្គិសនី ២ អាចបង្កើតកម្លាំង ១១៨គីឡូវ៉ាត់ និងប្រអប់លេខអូតូ Unique Clutchless automatic transmission ។
គួរបញ្ជាក់ផងដែរថា ម៉ូដែលថ្មីនេះនឹងចាប់ផ្តើមដាក់លក់នៅអំឡុងខែមីនា ឆ្នាំ២០២៣ នៅប៉ែកខាងអឺរ៉ុប និងប្រទេសអូស្ត្រាលី ប៉ុន្តែនៅប៉ែកខាងអាស៊ី មិនទាន់បង្ហើបដំណឹងអ្វីឡើយ សូម្បីតែតម្លៃក៏មិនបញ្ចេញផង៕
អត្ថបទដោយ៖ ព្រឹមភក្តី
