បងប្អូនដែលត្រៀមសម្រេចទិញម៉ូតូដែលមានកម្លាំងលើសពី 125cc ក៏ដូចជាអ្នកទិញរួចហើយតែមិនទាន់បានទៅធ្វើ តម្រូវឲ្យមាននូវបណ្ណបើកបរប្រភេទ <<ក>> ដែលជាបណ្ណបើកបរសម្គាល់នូវប្រភេទតូចក្រយានយន្ត ម៉ាស៊ីនម៉ូតូមានស៊ីឡាំងទំហំលើសពី 125 cc ត្រូវតែធ្វើបណ្ណបើកបរជាដាច់ខាត បើពុំដូច្នោះទេ ប្រយ័ត្នមានបញ្ហាប៉ូលិសហៅសួរនាំវែងឆ្ងាយច្រើន ។
បើយោងតាមសាកសួរតាមរយ:ពីក្រុមឆ្លើយតប Hotline 1275 របស់ក្រសួងសាធារណការ និងដឹកជញ្ជូន បានដឹងថា ម្ចាស់ម៉ូតូដែលមានម៉ាស៊ីនស៊ីឡាំងទំហំលើសពី 125cc តម្រូវឲ្យមានបណ្ណបើកបរប្រភេទ <<ក>> ជាចាំបាច់ ។ ចំណែកឯការធ្វើបណ្ណបើកបរត្រូវមានឯកសារយោងមួយចំនួនខាងក្រោម៖
បន្ទាប់ពីមានឯកសារទាំង ៣ នេះអាចទៅប្រឡងយកបណ្ណបើកបរ នៅទីតាំងស្តីការក្រសួងសាធារណការ និងដឹកជញ្ចូន សម្រាប់អ្នកនៅទីក្រុងភ្នំពេញ រីឯអ្នកនៅតាមបណ្ដាខេត្តត្រូវទៅកាន់ ច្រកចេញចូលតែមួយ ដែលស្ថិតក្នុងសាលាខេត្តដែលលោកអ្នករស់នៅ ។
ម្យ៉ាងវិញទៀត ក្នុងប្រឡងយកបណ្ណបើកបរ មាន ២ ដំណាក់កាល ៖
ដំណាក់កាលទី១ គឺប្រឡងកាន់ចង្កូត
ដំណាល់កាលទី២ គឺប្រឡងឆ្លើយសំណួរ
គួរបញ្ជាក់ សម្រាប់បងប្អូនដែលមានម៉ូតូកម្លាំង ក្រោម 125cc មិនចាំបាច់ធ្វើបណ្ណបើកបរឡើយ ។ ហើយក៏សូមជំរាបផងដែរថា បងប្អូនដែលមានម៉ូតូកម្លាំងលើសពី 125cc គួរតែទៅធ្វើបណ្ណបើកបរ ដើម្បីដឹងច្បាស់នូវក្បួនច្បាប់នៃការបើកបរ ព្រមទាំងជៀសវាងពីការផ្អាកវិន័យ ក្នុងរូបភាពណាមួយរបស់ប៉ូលិសចរាចណ៍ ។ សម្រាប់ព័ត៌មានបន្ថែមអាចទាក់ទងតាមរយ:ទូរស័ព្ទ 1275 របស់ក្រសួងសាធារណការ និងដឹកជញ្ជូន ៕
អត្ថបទដោយ៖ ព្រឹម ភក្តី
