ថ្មីៗនេះ មានការបែកធ្លាយនូវរថយន្តស៊េរីថ្មីរបស់ Mitsubishi ប្រភេទ SUV ខ្នាតតូចដែលមានរូបរាងស្អាតមែនទែនទាំងការឌីគ័រផ្នែកខាងក្នុង និងខាងក្រៅ គឺមានភាពប្លែកភ្នែកជាខ្លាំង។ មួយវិញទៀតឮដំណឹងថារថយន្តស៊េរីថ្មីនេះដែរ យកទៅតាំងបង្ហាញនៅប្រទេសវៀតណាមនៅចុងខែនេះ។
នេះគឺជា Mitsubishi XFC ដែលជារថយន្ត Concept ត្រកូលថ្មីទើបដែលខាងក្រុមហ៊ុនជប៉ុនទើបតែបញ៉ាក់អារម្មណ៍ទស្សនជន។ ចំពោះការឌីហ្សាញរូបរាងខាងក្រៅគឺមានលក្ខណ:ថ្មីសឹងតែទាំងមូល លើកលែងតែអត្តរសញ្ញាណចង្កៀងរាងអក្សរ T គឺបានរចនាបថបែបផែនស្រដៀងនឹងម៉ូដែលផ្សេងៗដែរ ប៉ុន្តែអ្វីដែលទាក់ភ្នែកខ្លាំង គឺទៅលើសំណាញ់បាណា ដែលបានយកគម្រូតាមសំបុកឃ្មុំ អមនឹងចង្កៀងLED សម្រាប់បើកបរពេលថ្ងៃ ៦ជ្រុងប្រអប់ តែបើយើងមើលមួយក្រឡេកអាចច្រឡំថាបំពង់ស៊ីម៉ាំងនៅខាងមុខ។ ផ្ទុយទៅវិញស៊ីម៉ាំងរបស់រថយន្តនេះ គឺនៅផ្នែកខាងក្រោយ ដែលការឌីហ្សាញដូចគ្នានឹងអំពូល រាងប្រអប់នោះដែរ ។
ផ្នែកខាងក្រៅស្អាតប៉ុណ្ណឹងហើយ ចុះទម្រាំខាងក្នុងរថយន្តទៀតមិនស្អាតយ៉ាងណាទៅ ដូចដែលបងប្អូនទស្សនាវិដេអូខ្លីរបស់ Mitsubishi ចឹង ផ្នែកខាងក្នុងរថយន្តគឺមានឌីហ្សាញពណ៌ស្រាលៗ ស្រទន់ សូម្បីតែគ្រឿងលម្អក៏មានពណ៌ស្រទន់ ដើម្បីឲ្យអ្នកបើកបរមានផាសុភាព និងអារម្មណ៍ Fresh ជាមួយពណ៌ស្រាលៗផងដែរ អមជាមួយនឹងអេក្រង់មួយផ្ទាំងជាប់គ្នា លៀនចេញពីតាបឡូ និងចង្កូតបែបស្ព័រមានប៊ូតង់ Touch ជាច្រើនសម្រាប់បញ្ជារលើប្រព័ន្ធគ្រប់គ្រងផ្សេងៗ និងចង្កឹះលេខបែបអនាគត futuristic gearshift ,កៅអីស្បែកបែបស្ព័រមានរន្ធខ្យល់ចេញចូល Sporty seats , ព្រមទាំងដំបូលកញ្ចក់លាតសន្ធឹងដល់ក្រោយកាប៊ីន Long Sunroof ។
សម្រាប់ការបើកបរ ខាងក្រុមហ៊ុន Mitsubishi បានអះអាងថា រថយន្តម៉ូដែល XFC អាចបើកបរគ្រប់ស្ថានភាពផ្លូវ និងអាចសម្របខ្លួនគ្រប់អាកាសធាតុ និងអាចបើកបរបានច្រើនរបៀបដូចជា ផ្លូវធម្មតា(ធម្មតា) ផ្លូវមានសំណើម(Wet) ផ្លូវលំឬផ្លូវគ្រួស (Gravel) និងផ្លូវគ្រហីកគ្រហុក Off-road (Mud ) ជាដើម។
គួរបញ្ជាក់ផងដែរថា Mitsubishi XFC Concept នឹងត្រូវយកទៅដាក់តាំងបង្ហាញនៅក្នុងកម្មវិធីពិព័រណ៌រថយន្តនៅប្រទេសវៀតណាមនៅឆ្នាំ២០២២ Vietnam Motor Show ចាប់ពីថ្ងៃទី២៦-៣០ ខែតុលា ។ គេរំពឹងថា XFC នឹងអាចនឹងចេញលក់នៅ និទាឃរដូវ ពីខែមករា ដល់ខែឧសភា ឆ្នាំ២០២៣ ខាងមុខនេះ ។ ចំណែកឯតម្លៃរថយន្តនេះ គេមិនទាន់បានបង្ហើបនៅឡើយទេ ៕
អត្ថបទដោយ៖ ព្រឹម ភក្តី
