នៅពេលគេធ្វើដំណើរទៅដល់ប្រទេសថ្មី ឧបករណ៍នេះនឹងប្រើប្រាស់បច្ចេកវិទ្យា vSIM (Virtual SIM) «ជាប្រភេទស៊ីមកាតអេឡិចត្រូនិចម្យ៉ាង» ដែលភ្ជាប់មកស្រាប់ដើម្បីភ្ជាប់ទៅបណ្តាញទូរស័ព្ទក្នុងស្រុក ដោយមិនចាំបាច់ប្តូរស៊ីមកាត ឬទិញរ៉ូមីង (Roaming) ឡើយ។ ប្រព័ន្ធនេះផ្តល់នូវទិន្នន័យ (Data) ដែលគ្រប់គ្រាន់សម្រាប់ដំណើរការមុខងារ AI សំខាន់ៗ ដូចជា ការបកប្រែភ្លាមៗ (Real-time translation) ឬការស្វែងរកព័ត៌មានរហ័ស នៅក្នុងជាង ៦០ ប្រទេស ទូទាំងពិភពលោក។ នេះមានន័យថាទោះបីជាមិនមាន Wi-Fi ក៏ដោយ អ្នកនៅតែអាចពឹងផ្អែកលើជំនួយការឆ្លាតវៃរបស់វាបាន។

ក្រៅពីនោះវាក៏មានបំពាក់មុខងារពិសេសៗមួយចំនួនដូចជា៖

-កាមេរ៉ាវិល 180°៖ វាមានកាមេរ៉ា 50MP ដែលអាចបង្វិលបាន 180° សម្រាប់ការថតរូបភាព ឬវីដេអូ Vlogging ពីគ្រប់មុំដោយគុណភាពខ្ពស់។

-អេក្រង់រឹងមាំខ្លាំង: អេក្រង់ 4.05-inch ត្រូវបានការពារដោយ កញ្ចក់ត្បូងកណ្ដៀង (Sapphire Glass) ដែលមានភាពរឹងមាំខ្លាំង (9H hardness) ការពារការឆ្កូត និងការខូចខាតពេលធ្វើដំណើរ។

-ប្រព័ន្ធប្រតិបត្តិការ Dual OS: ដោយសារ Mindone Pro ដំណើរការដោយប្រព័ន្ធប្រតិបត្តិការ Android 15 ពេញលេញ នេះមានន័យថា:

 »»អាចប្រើ Google Service ពេញលេញ: វាអាចដំឡើង និងដំណើរការកម្មវិធីទាំងអស់ដែលប្រើប្រាស់ Google Play Store និងសេវាកម្មរបស់ Google ដូចជា Google Maps, Gmail ជាដើម។

»»កម្មវិធីបណ្តាញសង្គម: អ្នកអាចទាញយក និងប្រើប្រាស់កម្មវិធីពេញនិយមផ្សេងទៀតបានតាមរយៈ Play Store ដូចជា Facebook, Instagram, TikTok, WhatsApp និងកម្មវិធីផ្សេងៗទៀត។ ប៉ុន្តែ ដោយសារ គោលបំណងចម្បង ទូរស័ព្ទនេះត្រូវបានរចនាឡើងដើម្បី កាត់បន្ថយការរំខាន និងផ្តោតលើមុខងារ AI ពេលធ្វើដំណើរ ដូច្នេះអ្នកប្រើប្រាស់មួយចំនួនអាចនឹងមិនប្រើវាសម្រាប់បណ្តាញសង្គមច្រើនដូចទូរស័ព្ទដៃទូទៅរបស់ពួកគេនោះទេ។

-ទោះបីជាសមត្ថភាពថ្ម 2,200mAh ហាក់ដូចជាតូចបើធៀបនឹងទូរស័ព្ទធំៗ (ដែលជាធម្មតាមាន 4,000mAh ដល់ 5,000mAh) ក៏ដោយ ក៏ Mindone Pro អាចប្រើប្រាស់បានយូរដោយសារ៖

»»បន្ទះឈីបសន្សំសំចៃថាមពល: វាប្រើប្រាស់បន្ទះឈីប MediaTek MT8781 ដែលត្រូវបានបង្កើនប្រសិទ្ធភាពសម្រាប់ ការប្រើប្រាស់ថាមពលទាប នៅក្នុងវេទិកា 4G+។

»»អេក្រង់តូច 4.05-inch ប្រើប្រាស់ថាមពលថ្មតិចជាងអេក្រង់ធំៗរបស់ទូរស័ព្ទផ្សេងទៀត។

»»បច្ចេកវិទ្យា 4G+: ក្រុមហ៊ុនបានជ្រើសរើសមិនប្រើ 5G ដើម្បី ការពារការប្រើប្រាស់ថាមពលថ្មខ្លាំង

គួរជម្រាបថា Mindone Pro គឺជាការវិវត្តន៍ដ៏ធំមួយនៅក្នុងបច្ចេកវិទ្យាធ្វើដំណើរ។ វាបានយកឈ្នះលើដែនកំណត់នៃការតភ្ជាប់បណ្តាញទូរស័ព្ទបុរាណ និងផ្តល់នូវភាពងាយស្រួលដែលពឹងផ្អែកលើបច្ចេកវិទ្យា AI ។ ការវិនិយោគលើទូរស័ព្ទប្រភេទនេះ គឺមានន័យថាការវិនិយោគលើភាពរីករាយនៃការធ្វើដំណើរ ដោយដឹងថាអ្នកត្រូវបានការពារដោយបច្ចេកវិទ្យាដ៏ឆ្លាតវៃ និងកាត់បន្ថយការរំខានបើក្នុងករណីចង់សម្រាកផ្ដាច់ខ្លួនពីទូរស័ព្ទគោលរបស់អ្នកដែលផ្ទុកដោយបណ្ដាញសង្គម៕