ពេលនិយាយពីការរកលុយតាមអនឡាញ មនុស្សភាគច្រើននឹកដល់មុនគេគឺ YouTube និង Facebook ។ ប៉ុន្តែខាងក្រោមនេះ គឺជាបណ្តាញសង្គមធំៗ ៣ ដែលអ្នកក៏អាចរកចំណូលបានដូចគ្នា ប្រសិនបើប្រើប្រាស់វាត្រឹមត្រូវ៖
១/. Telegram
Telegram Ads Platform៖ គឺជាវេទិកាផ្សព្វផ្សាយពាណិជ្ជកម្មផ្លូវការរបស់ Telegram ដែលអនុញ្ញាតឲ្យបង្ហាញ Sponsored Messages នៅក្នុង Public Channel ដែលមានអ្នកតាមដានចាប់ពី 1000 Subscribers ឡើងទៅ ក្រុមហ៊ុន Telegram នឹងចែកចំណូល 50% ជូនម្ចាស់ Channel។ ប៉ុន្តែតម្រូវឱ្យមាន TON Wallet ព្រោះ Telegram នឹងទូទាត់ជាថូខិន TON (Telegram Open Network)។ ការចុះឈ្មោះជាភ្នាក់ងារ ឬ Advertiser នៅលើ https://ads.telegram.org។
Chatbots៖ លោកអ្នកគ្រាន់តែបង្កើត Bots នៅក្នុង Telegram ដែលមានតួនាទីឆ្លើយតបស្វ័យប្រវត្តិ (ឧទាហរណ៍៖ Bots សម្រាប់ប្ដូរឯកសារពី PDF ទៅជា Word ជាដើម) បន្ទាប់មកឱ្យអ្នកប្រើប្រាស់បង់ប្រាក់ដើម្បីប្រើប្រាស់ Chatbots របស់អ្នក។
បង្កើតវគ្គសិក្សាអនឡាញ៖ វិធីសាស្រ្តនេះមានអ្នកធ្វើបានផលច្រើន ព្រោះវាមានភាពងាយស្រួលជាងគេ ដោយលោកអ្នក គ្រាន់តែបង្កើតវគ្គសិក្សា ឬកម្មវិធីចែករំលែក រួចហើយដាក់បញ្ចូលទៅក្នុង Channel Telegram របស់អ្នក នឹងអនុញ្ញាតឱ្យអ្នកដទៃបង់សេវា ដើម្បីបានក្លាយជាសមាជិក ឬបានចូលរៀន។ ប៉ុន្តែទោះជាយ៉ាងណាវាទាមទារឱ្យអ្នកមានជំនាញពិតប្រាកដ ដើម្បីអាចចងជាមេរៀនសម្រាប់ចែករំលែកបន្ត ឱ្យគេរៀនហើយអាចយកទៅប្រើប្រាស់បានផលពិតជាក់ស្ដែង។
២/. Instagram
- បង្ហោះផ្សាយពាណិជ្ជកម្ម (Sponsored Posts)៖ បង្កើតគណនីដែលមានអ្នកតាមដាន (Followers) ច្រើន និងមានការចូលរួម (Engagement) ខ្ពស់។ ក្រុមហ៊ុន និងយីហោធំៗ នឹងផ្ញើផលិតផល ឬសេវាកម្មឱ្យអ្នកប្រម៉ូត ដោយអាចទទួលប្រាក់សម្រាប់ការបង្ហោះមួយលើកៗចាប់ពី 10-1000 ដុល្លារ អាស្រ័យលើចំនួន Followers។
- Affiliate Marketing (លក់ផលិតផលរបស់អ្នកដទៃ)៖ ចុះឈ្មោះជាអ្នកលក់នៅវេទិកាដូចជា Shopee Affiliates (ភាសាខ្មែរ), Amazon Associates, ClickBank ឬ Digistore24។ ដាក់ Link នៅ bio ឬ story (បើមាន 10k+ followers) អាចរកកម្រៃបានចន្លោះពី 5%-30% ក្នុងការលក់ផលិតផលមួយលើក។
- Reels Bonus Program៖ ប្រទេសជាច្រើន (អាមេរិក, អឺរ៉ុប) មានកម្មវិធី Reels Bonus ដែល Instagram បង់ប្រាក់ជាសរុបសម្រាប់វីដេអូដែលពេញនិយម។ អ្នកដែលចូលកម្មវិធីនេះអាចរកចំណូលបានចាប់ពី 100-5000 ដុល្លារឡើងក្នុងមួយខែ។ ប៉ុន្តែបច្ចុប្បន្ន Reels Bonus មិនទាន់មាននៅកម្ពុជាទេ ខណៈអាចនឹងបើកក្នុងពេលឆាប់ៗ។
៣/. X (Twitter)
- Ad Revenue Sharing (ចំណូលពីពាណិជ្ជកម្ម X)៖ ជំហានដំបូង ធ្វើការជាវ (subscribers) X Premium (អតីត Twitter Blue), ត្រូវមានអ្នកជាវ (subscribers) លើគណនីយ៉ាងតិចណាស់ ៥០០ និងមានចំនួនមើល ១៥លាន Views នៅលើ tweets ទាំងអស់ក្នុងរយៈពេលបីខែចុងក្រោយ។ នៅពេលអ្នកបង្ហោះ Tweet មានការមើលច្រើន (impressions) នោះអ្នកអាចទទួលបានភាគរយពី Ads នៅក្នុង replies។
- Subscriptions (Paid Follower Content)៖ អ្នកអាចអនុញ្ញាតឲ្យអ្នកតាមបង់ប្រាក់ដើម្បីចូលរួម ដើម្បីទទួលបានមាតិកាពិសេស (exclusive posts), Live chat / Group, វគ្គសិក្សាផ្សេងៗ។ ក្នុងនោះ X បានរៀបចំសេវាកម្ម Subscriptions ដែលអ្នកអាចកំណត់តម្លៃខ្លួនឯង ($2.99, $4.99, $9.99…)។ ល្អបំផុតសម្រាប់អ្នកមានជំនាញ ឬបង្កើតអត្ថបទ ដែលអ្នកពេញចិត្ត។
ចំពោះវិធីសាស្ត្រខាងលើទាំងអស់ហ្នឹង តើលោកអ្នកចូលចិត្តមួយណាជាងគេដែរ កុំភ្លេចខមិនផងណា!!
