កាលពីពេលថ្មីនេះ យោងតាមការបង្ហោះចេញពីអាខោន Twitter របស់លោក Joe Biden ប្រធានាធិបតីសហរដ្ឋអាមេរិក បានបង្ហាញនូវរូបភាពដ៏អស្ចារ្យមួយដែលធ្វើឲ្យមនុស្សពេញមួយសាកលភ្ញាក់ផ្អើលអំពីរូបភាព ពោរពេញទៅចក្រវាឡ ឬ កាឡាក់ស៊ីជាច្រើន ដែលពួកយើងមិនដែលធ្លាប់បានឃើញមុនមក ។
រូបភាពដ៏កម្រនេះ ឈ្មោះថា SMACS 0723 ឬត្រូវបានគេស្គាល់ថា First Deep Field ដោយបានថតចេញពីកញ្ចក់ឡេនអង្កត់ផ្ចិត ៦.៥ម៉ែត្ររបស់ លេស្តេកុបអវកាស James Webb Space Telescope (JWST) ដែលមានតម្លៃថ្លៃមហាសាលរហូតដល់ ១០ប៊ីលានដុល្លារឯណោះ ។
យោងតាមអ្នកស្រី Jane Rigby ជាអ្នកវិទ្យាសាស្ត្រគម្រោងប្រតិបត្តិការ JWST បាននិយាយក្នុងអំឡុងពេលនៃការផ្សាយផ្ទាល់របស់ទូរទស្សន៍របស់ NASA ដែលបានចាក់កាលពីថ្ងៃអង្គារ បានឲ្យដឹងថា “ ចក្រវាឡ ឬកាឡាក់ស៊ី ដែលនៅឆ្ងាយបំផុតនៅក្នុងរូបភាពនេះ មានអាយុកាលជាង ១៣ពាន់លានឆ្នាំ ដោយអ្នកវិទ្យាសាស្រ្តបានអះអាងថា កាឡាក់ស៊ីទាំងអស់ត្រូវបានផ្សំឡើងដោយ អុកស៊ីហ្សែន អ៊ីដ្រូសែន អ៊ីយ៉ូតូ ព្រមទាំងសមាសធាតុជាច្រើនផ្សេងទៀត ។
គួរបញ្ជាក់ផងដែរថា តេលេស្កុបអវកាស JWST នេះជាគម្រោងដែលដឹកនាំដោយអង្គការ NASA ដោយមានដៃគូសហការជាមួយ ESA (ទីផ្នាក់ងារអវកាសអឺរ៉ុប) និង CSA (ទីភ្នាក់ងារអវកាសកាណាដា) ។ តេលេស្កុបនេះត្រូវបានបង្ហោះទៅទីអវកាសនៅថ្ងៃទី២៥ ខែធ្នូរ ឆ្នាំ២០២១ ហើយបច្ចុប្បន្ននេះ JWST មានចម្ងាយពីផែនដីជាង ១.៦លានគីឡូម៉ែត្រ និងមានចម្ងាយពីព្រះអាទិត្យជាង ២.៤លានគីឡូម៉ែត្រ ៕
អត្ថបទដោយ៖ ព្រឹម ភក្តី
