អ្នកតំណាងឱ្យប្រទេសកម្ពុជានៅក្នុងព្រឹត្តិការណ៍នេះគឺលោកស្រី ទេព កល្យាណ ប្រធានផ្នែកប្រតិបត្តិការនៃក្រុមហ៊ុន IQ Distribution (Cambodia) Co., Ltd ហើយក្នុងនាមជាដៃគូរចែកចាយដ៏សំខាន់សម្រាប់បច្ចេកវិទ្យារបស់ Posiflex នៅកម្ពុជា វត្តមានរបស់ក្រុមហ៊ុន IQ Distribution នៅក្នុងសន្និសីទនេះ បង្ហាញពីការប្តេជ្ញាចិត្តជាបន្តរបស់ខ្លួនក្នុងការនាំយកបច្ចេកវិទ្យា POS កម្រិតពិភពលោកមកកាន់ទីផ្សារក្នុងស្រុក។

សន្និសីទសកល Posiflex នាឆ្នាំនេះមានសារៈសំខាន់ពិសេស ដោយសារវាត្រូវជាខួបទី 40 របស់ក្រុមហ៊ុន Posiflex ដែលប្រារព្ធឡើងក្រោមប្រធានបទ "Redefining Possibility, Empowering Tomorrow"។

ព្រឹត្តិការណ៍នេះបានបង្ហាញពីការប្តេជ្ញាចិត្តរបស់ Posiflex ចំពោះនវានុវត្តន៍ ការរីកចម្រើន និងការកំណត់អនាគតនៃបច្ចេកវិទ្យា POS។ ដៃគូ និងអ្នកដឹកនាំឧស្សាហកម្មអាជីវកម្មធំៗ បានជួបជុំគ្នាដើម្បីពិភាក្សាអំពីទិសដៅអាជីវកម្មរបស់ក្រុមហ៊ុន ផលិតផលសំខាន់ៗ និងផែនទីផលិតផលដែលបានធ្វើបច្ចុប្បន្នភាព ព្រមទាំងការបង្ហាញផ្ទាល់នូវបច្ចេកវិទ្យាថ្មីៗ។

Posiflex ត្រូវបានទទួលស្គាល់ជាសកលថាជានិមិត្តសញ្ញានៃគុណភាព និងភាពអាចជឿទុកចិត្តបាន ដោយទទួលបានការកោតសរសើរខ្ពស់ទាំង​ពីសំណាក់អតិថិជន និងគូប្រកួតប្រជែង។ ក្នុងនាមជាអ្នកដឹកនាំក្នុងវិស័យ Hardware POS ដំណោះស្រាយរបស់ពួកគេត្រូវបានជឿទុកចិត្តដោយអាជីវកម្មជុំវិញពិភពលោកក្នុងការផ្តល់នូវបច្ចេកវិទ្យាដែលមានដំណើរការល្អ និងអាចទុកចិត្តបានសម្រាប់បរិយាកាសលក់រាយ និងអាជីវកម្ម។

លោកស្រី ទេព កល្យាណ បានមានប្រសាសន៍ថា៖ "វាជាកិត្តិយសដ៏ធំធេងក្នុងការតំណាងឱ្យប្រទេសកម្ពុជា និងក្រុមហ៊ុន IQ Distribution នៅក្នុងសន្និសីទសកលនេះ។ ព្រឹត្តិការណ៍នេះបានផ្តល់ឱកាសដ៏មានតម្លៃក្នុងការផ្លាស់ប្តូរគំនិតជាមួយអ្នកដឹកនាំឧស្សាហកម្ម និងទទួលបានចំណេះដឹងអំពីអនាគតនៃបច្ចេកវិទ្យាលក់រាយ ដែលនឹងជួយឱ្យយើងបន្តពង្រឹងសេវាកម្មរបស់យើងនៅកម្ពុជា។"

សន្និសីទនេះមានការថ្លែងសុន្ទរកថាសំខាន់ៗ កិច្ចប្រជុំក្រុម និងឱកាសសម្រាប់ដៃគូសកលរបស់ Posiflex ក្នុងការបង្កើតបណ្តាញទំនាក់ទំនង និងចែករំលែកគំនិត ដែលបានពង្រឹងគុណតម្លៃស្នូលនៃនវានុវត្តន៍របស់ក្រុមហ៊ុន និងការប្តេជ្ញាចិត្តក្នុងការកំណត់អនាគតនៃបច្ចេកវិទ្យាលក់រាយ។

ក្រុមហ៊ុន IQ Distribution (Cambodia) Co., Ltd ក្នុងនាមជាអ្នកចែកចាយផ្លូវការរបស់ Posiflex រំពឹងថានឹងអាចប្រើប្រាស់ចំណេះដឹង និងនវានុវត្តន៍ដែលបានចែករំលែកនៅក្នុងព្រឹត្តិការណ៍នេះ ដើម្បីបន្តពង្រឹងដំណោះស្រាយស្វ័យប្រវត្តិកម្មលក់រាយ និងអាជីវកម្មនៅកម្ពុជា។ តាមរយៈការរក្សាខ្លួននៅជួរមុខនៃការរីកចម្រើនផ្នែកបច្ចេកវិទ្យា ក្រុមហ៊ុនមានគោលបំណងគាំទ្រដល់ការរីកចម្រើននៃសេដ្ឋកិច្ចឌីជីថលនៅក្នុងប្រទេស។

គួរបញ្ជាក់ផងដែរថា នាពេលបច្ចុប្បន្នដំណោះស្រាយបច្ចេកវិទ្យារបស់ក្រុមហ៊ុន Posiflex ត្រូវបានប្រើប្រាស់យ៉ាងទូលំទូលាយតាមរយៈក្រុមហ៊ុន IQ Distribution (Cambodia) Co., Ltd ដោយមានក្រុមហ៊ុនធំៗ ដូចជា អូតែលលំដាប់អន្តរជាតិ ផ្សារទំនើប ហាងកាហ្វេល្បីៗនៅកម្ពុជាសុទ្ធសឹងតែបំពាក់នូវខ្សែរស្រឡាយផលិតសេវាកម្មបច្ចេកវិទ្យា Posiflex។

សម្រាប់ព័ត៌មានបន្ថែម សូមទាក់ទង៖

• ក្រុមហ៊ុន IQ Distribution (Cambodia) Co., Ltd
• Facebook៖ https://www.facebook.com/IQDistribution
• អ៊ីមែល៖ sales@iqdistri.com
• ទូរស័ព្ទ/Telegram៖ 012 980 075 | 012 980 076 | 093 646 555

 អំពីក្រុមហ៊ុន IQ Distribution៖

ក្រុមហ៊ុន IQ Distribution (Cambodia) Co., Ltd គឺជាក្រុមហ៊ុនចែកចាយដំណោះស្រាយបច្ចេកវិទ្យាឈានមុខគេ ដែលមានជំនាញក្នុងការធ្វើស្វ័យប្រវត្តិកម្មវិស័យលក់រាយ និងអាជីវកម្មតាមរយៈប្រព័ន្ធ និងឧបករណ៍ POS ទំនើបបំផុត។ ក្នុងនាមជាអ្នកចែកចាយផ្លូវការសម្រាប់ផលិតផល Posiflex នៅកម្ពុជា ក្រុមហ៊ុន IQ Distribution បន្តផ្តល់សេវាកម្ម និងការគាំទ្រលើបច្ចេកវិទ្យាជាច្រើនដល់អាជីវកម្មនានាទូទាំងប្រទេស។