ជាទូទៅអ្នកប្រើប្រាស់ iPhone តែងតែលើកសរសើរពីមុខងារផ្សេងៗរបស់ Apple ដែលមានប្រព័ន្ធដំណើរការបានល្អជាមួយនឹងកម្មវិធីទំនើបៗទៅតាមការដំឡើងសេរ៊ី ឬ Version។ ជាពិសេសមុខងារ និងកម្មវិធីមួយចំនួនមានសម្ថតភាពខ្ពស់ក្នុងការធ្វើប្រព័ន្ធដំណើរការយ៉ាងឆាប់រហ័សដែលធ្វើឲ្យអ្នកប្រើប្រាស់ជក់ចិត្តជាមួយការប្រើប្រាស់នៃប្រព័ន្ធទាំងអស់នោះ។
យ៉ាងណាមិញអ្នកប្រើប្រាស់ iPhone សព្វថ្ងៃកំពុងប្រើទម្លាប់ជាប្រចាំដែលជាការហាមប្រាមពីក្រុមហ៊ុន Apple ភាគច្រើនអ្នកប្រើប្រាស់បានមើលរំលងហើយគិតថាវាជារឿងធម្មតារហូតធ្វើវាជាប្រចាំ។
សកម្មភាពដែលកើតឡើងនូវពេលដែលអ្នកប្រើប្រាស់ជក់ប្រើទៅលើកម្មវិធីណាមួយដែលអាចឈានចូលដល់ទម្លាប់ទាំងនេះកើតឡើងដោយមិនដឹងខ្លួនដូចជា៖
• ការសាកថ្មបណ្តើរលេងបណ្តើរ បើយើងស្តាប់ទៅវាអាចនឹងសាមញ្ញតែវាពិតជាបង្កគ្រោះថ្នាក់ដល់អ្នកប្រើប្រាស់ ដូចជាការឆក់, ឆាបឆេះនូវចរន្តផ្សេងៗរវាងឆ្នាំងសាកទៅនឹងទូរស័ព្ទ, ទូរស័ព្ទឡើងកម្តៅកាន់តែខ្លាំងអាចឈានដល់ការផ្ទុះ និងប៉ះពាល់ដល់ទ្រព្យសម្បត្តិរបស់យើងផងដែរ។
• គួររកកន្លែងសាកថ្មដែលមានសីតុណ្ហភាពត្រជាក់ និងម្លប់ ព្រោះថាប្រសិនបើអ្នកប្រើប្រាស់សាកនៅកន្លែងដែលមានសីតុណ្ហភាពក្តៅនោះវានឹងធ្វើឲ្យទូរស័ព្ទឆាប់ចុះខ្សោយនៃថាមពលថ្ម និងងាយខូចឆ្នាំងសាកទូរស័ព្ទ។
• កុំគេងនៅលើទូរស័ព្ទ ឬដាក់ទូរស័ព្ទនៅក្រោមខ្នើយ និងក្រោមពូក ដោយការធ្វើបែបនេះនឹងធ្វើឲ្យទូរស័ព្ទចុះសីតុណ្ហភាពទៅជាឡើងកម្តៅ ជាពិសេសក៏អាចឆ្លងនូវសារធាតុវិទ្យុសកម្មដែលអាចធ្វើឲ្យអ្នកប្រើប្រាស់ងាយអស់កម្លាំង និងថាមពលក្នុងខ្លួនពេលភ្ញាក់ពីគេង។
• ទម្លាប់ទិញឆ្នាំងសាកតម្លៃថោក និងធូថ្លៃដែលមិនស្គាល់ម៉ាកច្បាស់លាស់យកមកបញ្ជូលថ្ម ព្រោះឆ្នាំងសាកមួយចំនួនមិនមានគុណភាពល្អដែលបណ្តាលឲ្យងាយខូចថ្ម និងបញ្ហាប្រព័ន្ធដំណើរការលើទូរស័ព្ទ យល់ល្អគួរតែប្រើនូវឆ្នាំងសាកដែលមានតម្លៃគួរសម និងថ្លៃដែលអាចប្រើបានយូរ និងត្រូវជាមួយប្រភេទទូរស័ព្ទរបស់យើង។
• មិនគួរសាកថ្មនៅកន្លែងណាដែលមានសំណើម ព្រោះវាអាចងាយឆក់ និងជ្រាបចូលទូរស័ព្ទ ឬដុំ Adaptor ដែលអាចធ្វើឲ្យខូចប្រព័ន្ធដំណើរការក្នុងទូរស័ព្ទ។
គូសបញ្ជាក់ថា ប្រសិនបើអ្នកទាំងអស់គ្នាធ្វើតាមនូវការណែនាំ ឬបញ្ឃប់ទម្លាប់ទាំងអស់នេះ នោះទូរស័ព្ទរបស់អ្នកទាំងអស់គ្នានឹងអាចប្រើប្រាស់បានយូរមិនងាយខូច និងគុណភាពល្អរយៈពេលយូរផងដែរ។
អត្ថបទដោយ៖ ងួន ឃុនណា
